Astanada Respýblıka kúninde qandaı is-sharalar ótedi
«Respýblıka kúni – egemendigimizdi ǵana emes, bul Qazaqstannyń jalpy ál-aýqatyna qosqan adamdardyń úlesine erekshe qurmetpen qaraıtyn kún. Osymen ekinshi jyl qatarynan elimizdiń túkpir-túkpirinde memlekettik ánuran shyrqalyp, patrıottyq shyǵarmalar halyqqa jol tartýda. Sol sııaqty úılerdiń qasbetteri men terezelerinde memlekettik tý jelbirep, jappaı fleshmobtar uıymdastyrylyp jatyr», - dedi Astana qalasy ishki saıasat basqarmasynyń basshysy Nurdaýlet Álmuhanov qalalyq kommýnıkatsııalar ortalyǵynda ótken brıfıngide.
Bıyl Respýblıka kúni merekesine oraı elordada 200-den astam is-shara ótedi. Onyń ishinde mádenı-buqaralyq, sporttyq jáne áleýmettik, merekelik kontsertter, avtosherýler, kórmeler, balalarǵa arnalǵan kórikti jerlerge ekskýrsııalar.
Sonymen qatar, dóńgelek ústelder, ulttyq sport túrlerinen týrnırler ótkizý jáne basqa da kóptegen is-shara josparlanyp otyr.
Astanada 25 qazan Respýblıka kúnine oraı ótetin mádenı jáne sporttyq is-sharalar tizimi:
22 qazanda konkýrdan Qazaqstan Respýblıkasynyń chempıonaty;
23 qazan men 6 qarasha aralyǵynda jastar men jasóspirimder arasyndaǵy bokstan Azııa chempıonaty ótedi;
23 qazan Astanadaǵy M.Gorkıı atyndaǵy orys drama teatry kúrdeli jóndeýden keıin jańartylǵan tarıhı ǵımaratta 123-shi teatr maýsymyn ashylady;
26-28 qazanda M.Gorkıı atyndaǵy orys drama teatry teatr forýmyn ótkizedi;
24 qazan «Naz» memlekettik bı teatrynyń «Respýblıkam Qazaqstan» atty merekelik kontserti ótedi;
24 qazan saǵat 18:00-de Erkeǵalı Rahmadıev atyndaǵy memlekettik akademııalyq fılarmonııada shyǵarmashylyq ujymdardyń qatysýymen merekelik kontsert ótedi;
24 qazan kúni Barys Arenada saǵat 20.00-de qazaq eliniń atyn álemge tanytyp júrgen, birdeı úsh áýenniń basyn qosyp, kúıdiń qudiretin álemge sezindirgen «Ulytaý» tobynyń 25 jyldyǵyna oraı kontsert ótedi;
25 qazan saǵat 17.00-de Beıbitshilik jáne kelisim saraıynda «Otan qymbat» atty kontsert-spektakli ótedi. Bıletter tıketon saıtynda.