Astanada Respýblıka kúnine oraı merekelik otshashý bolady
19:30, 20 Qazan 2022
ASTANA. QazAqparat - 25 qazan - Respýblıka kúni merekesine oraı elordada otshashý uıymdastyrylady, dep habarlaıdy QazAqparat tilshisi.
«Astanada demeýshilik qarajat esebinen Respýblıka kúni merekelik otshashý ótedi. Feıerverk 25 qazan kúni saǵat 21:00-de qalanyń eki jerinde uıymdastyrylady. Atyraý kópiri mańynda (qala jaǵalaýy) jáne Botanıkalyq baq aýmaǵynda. Uzaqtyǵy – shamamen 10 mınýt, ıaǵnı 3,5 myń ret atylady», - dedi elorda ákimdiginiń baspasóz hatshysy Aqmaral Oljabaeva.
Onyń aıtýynsha, Respýblıka kúnine oraı qala turǵyndary men qonaqtaryna arnalǵan 200-den astam túrli formattaǵy is-shara ótedi.
«Mereke aıasynda elordada túrli sala boıynsha eńbek sińirgen qyzmetkerler, eńbek ardagerleri, sondaı-aq batyldyǵymen kózge túsken azamattar marapattalady», - dedi baspasóz hatshy.