Astanada reseılik mamandar mektep jasyna deıingi balalardyń dene damýy jóninde semınar ótkizedi

ASTANA. 19 qarasha. QazAqparat - 19-20 qarashada №32 «Baldaýren» bala baqshasynda qalalyq mektepke deıingi bilim mekemeleriniń medıtsına jáne dene shynyqtyrý qyzmetkerlerine arnalǵan «Mektepke deıingi balalardyń dene damýy» taqyrybynda semınar uıymdastyrylady. Bul týraly Bilim basqarmasyna silteme jasap astana.kz habarlady.

Іs-shara barysynda teorııalyq jáne praktıkalyq sabaqtar ótkiziledi. Teorııalyq bólimde «Balalardy shynyqtyrý», «Balalardyń qozǵalys belsendiligi», «Balalardyń dene damýy», «Júzý basseıinderine qoıylatyn gıgıenalyq talaptar» jáne t.b. taqyryptarda 1-2 saǵattyq dárister oqylady. Praktıkalyq sabaqtarda jalpy damytý jattyǵýlary, kúshti, kelisimdilikti, ıilgishtikti damytýǵa baǵyttalǵan jattyǵýlar jasalyp, oıyndar men estafetalar uıymdastyrylady.

Semınardy P.F. Lesgaft atyndaǵy Ulttyq memlekettik dene shynyqtyrý, sport jáne densaýlyq ýnıversıtetiniń (Sankt-Peterbor) pedagogtary - medıtsına ǵylymdarynyń doktory, professor, aldyn alý medıtsınasy jáne densaýlyq kafedrasynyń meńgerýshisi Roza Tsallagova, gımnastıka kafedrasynyń dotsenti, kórkem gımnastıkadan halyqaralyq dárejedegi sport sheberi Ekaterına Pırojkova jáne basketboldan Reseıdiń eńbek sińirgen bapkeri Oleg Sgonnıkov ótkizedi. Sondaı-aq, semınarǵa Olımpıada chempıony, QR Parlament Májilisiniń depýtaty Olga Shıshıgına da qatysady.