Astanada Reseıden sertıfıkatsyz jetkizilgen zııandy ósimdikter joıyldy

<p>ASTANA. KAZINFORM - Fıtosanıtarııalyq qaýipsizdikti qamtamasyz etý maqsatynda Astana qalasy boıynsha QR Aýyl sharýashylyǵy mınıstrligi Agroónerkásip kesheni Memlekettik ınspektsııa komıteti aýmaqtyq ınspektsııasy sertıfıkatsyz jáne karantınge jatqyzylǵan ónimdi joıdy.</p>

Ósimdik Kazecotech ǴTP aýmaǵynda órteldi, dep habarlady QR Aýyl sharýashylyǵy mınıstrliginiń baspasóz qyzmeti.

Ósimdikter karantıni jónindegi memlekettik ınspektorlar Reseıden ákelingen dekoratıvti ósimdikterdiń tıisti sertıfıkatsyz jáne zalaldanǵan eki jaǵdaıyn anyqtap, alǵashqysynan 8, sońǵysynan 86 tańqýraı men magnolııa kóshetteriniń tasymaldanýyn shektedi.

Mamandar sertıfıkattalmaǵan ónimdi elordaǵa ákelýge tyıym saldy.

Sondaı-aq atalǵan fakti boıynsha QR ÁQBtK-niń 400-babyna sáıkes ákimshilik is qozǵalyp, ósimdik ıelerine jalpy somasy 40 AEK kóleminde nemese 285 680 teńgege aıyppul salyndy.

Sonymen qatar, memlekettik ınspektorlar batys gúl trıpsimen lastanyp, karantınge jatqyzylǵan Nıderlandydan shyqqan 660 dana qalampyrdy anyqtady. ÁQBtK-niń 400-babyna sáıkes ákimshilik is qozǵalyp, sot sheshimimen ónim ıesine 72 450 teńge aıyppul salyndy.

Gúldi trıps ósimdikterdiń 250-den astam, ıaǵnı túrli jemisterge, kókónister men gúlderge zııan keltiretinin atap ótý mańyzdy. Zııankester ósimdik jasýshasynyń shyrynymen qorektenedi, taraǵan kezde ósimdiktiń jappaı qýrap, ólýine ákeledi. Sonymen qatar, gúldi trıps qaýipti qyzanaq vırýsynyń tasymaldaýshysy bolyp tabylady, biraq adam densaýlyǵyna qaýip tóndirmeıdi.

Aıta keteıik, Qazaqstanǵa keletin ımporttyq baqylaýdaǵy ónimder jiberýshi eldiń fıtosanıtarlyq sertıfıkatymen birge bolýy kerek. Bul qujat karantınge jatqyzylǵan ónimniń karantındik fıtosanıtarııalyq jaı-kúıin kýálandyrady, sondaı-aq ónimniń karantındik obektilerden bos aımaqtar men aýmaqtardan óndirilgenin rastaıdy.

2023 jyly elordalyq memlekettik ınspektorlar fıtosanıtarııalyq talaptardy buzýdyń 282 faktisin anyqtady. Onyń ishinde karantındik obektilermen lastanǵan ónimderdiń 16 jaǵdaıy bar. Barlyq anyqtalǵan faktiler boıynsha ónimder órteý tásilimen joıylyp, jalpy somasy 23,9 mln teńge ákimshilik aıyppul salyndy.