Astanada referendým kúni 53 sábı dúnıege keldi

<p>ASTANA. KAZINFORM &ndash; Keshe elordada 53 náreste dúnıe esigin ashty. Bul aqparatty qalalyq qoǵamdyq densaýlyq saqtaý basqarmasy usynyp otyr.&nbsp;</p>

«2024 jylǵy 6 qazan kúni qalanyń úsh perzenthanasynda 53 sábı dúnıege keldi. Onyń 35-i – ul, 18-i – qyz», - delingen basqarmanyń baspasóz qyzmetiniń habarlamasynda. 

Aıta ketsek, Astanada keshe saǵat 00:00-den 15:00-ge deıin 39 náreste ómirge keldi, onyń ishinde 29-y – ul jáne 10-y – qyz. Bul týraly elorda ákimdigi habarlady. 

Náresteler men olardyń analary jaqsy jaǵdaıda jáne tıisti kútim kórsetilip jatyr. Referendým kúni elordanyń medıtsınalyq mekemeleri akýsherlik bólimshelerdegi áıelderge daýys berý múmkindigin uıymdastyrdy. Arnaıy saılaý ýchaskeleri tikeleı aýrýhanalarda ashyldy, bul júkti jáne bosanǵan áıelderge medıtsınalyq mekemelerden shyqpaı-aq tańdaý jasaýǵa múmkindik berdi.

Eske sala ketsek, elimizde 2022 jylǵy 5 maýsymda ótken respýblıkalyq referendýmda elordada 65 náreste dúnıe esigin ashqan edi.