Astanada Prezıdent janyndaǵy Jastar saıasaty jónindegi keńestiń otyrysy ótti

<p>ASTANA. KAZINFORM - Búgin Memlekettik keńesshi Erlan Qarınniń tóraǵalyǵymen Qazaqstan Respýblıkasy Prezıdentiniń janyndaǵy Jastar saıasaty jónindegi keńestiń kezekti otyrysy ótti, dep habarlaıdy Aqordanyń baspasóz qyzmeti.&nbsp;</p>

Basqosýda Keńes baqylaýǵa alǵan birqatar strategııalyq jáne saraptamalyq qujattardyń ázirlený jáne júzege asyrylý barysy talqylandy.

Atyraýda ótken Ulttyq quryltaıdyń úshinshi otyrysynda Prezıdent Qasym-Jomart Toqaevtyń bergen tapsyrmasyna sáıkes tıisti memlekettik organdar zańsyz oıyn bıznesi men lýdomanııaǵa tosqaýyl qoıý úshin júıeli jumys júrgizip jatyr.

Otyrysta lýdomanııaǵa qarsy is-qımyl aıasynda zań shyǵarý jáne naqty jumysty úılestirý qajet ekeni atalyp ótti. Parlament Májilisiniń depýtaty, Jastar saıasaty jónindegi keńestiń múshesi Nartaı Aralbaıulynyń zań jobasyn daıyndaýǵa, Týrızm jáne sport vıtse-mınıstri Mıras Tólebaevtyń zańsyz oıyn bıznesi men lýdomanııaǵa qarsy is-qımyl jóninde keshendi jospar ázirleýge qatysty baıandamalary tyńdaldy. Keńes músheleri memlekettik organdar men qoǵamdyq uıymdardyń jumysyn dáıekti jáne júıeli túrde uıymdastyrý jóninde usynystar berdi.

Sonymen qatar jıynda 2023-2029 jyldarǵa arnalǵan memlekettik jastar saıasaty tujyrymdamasyna engiziletin ózgerister men tolyqtyrýlar talqylandy.

Budan bólek, basqosýda 2024 jylǵa arnalǵan «Qazaqstan jastary» atty jyl saıynǵy ulttyq baıandamanyń qurylymy qarastyryldy.

Erlan Qarın kezdesýdi qorytyndylaı kele, tyń ózgeristerdiń negizgi qozǵaýshy kúshi jastar ekenine nazar aýdardy. Sondyqtan elimizdi damytý úshin qolǵa alynǵan jalpyulttyq jobalardy júzege asyrýǵa olardyń belsendi qatysýy qajettigin atap ótti.