Astanada Prezıdent kýbogi úshin tennısten halyqaralyq týrnır bastaldy

ASTANA. QazAqparat - Belline Arena ulttyq tennıs ortalyǵynda tennısten dástúrli Prezıdent kýbogi halyqaralyq týrnıri bastaldy, dep habarlaıdy QazAqparat tilshisi.

Qazaqstan tennıs federatsııasynan málim etkendeı, aldymen ATP Challenger Tour serııasy boıynsha erler synǵa túsedi.

Negizgi týrnırde qazaqstandyqtardan birinshi raketka bolyp tirkelgen Mıhaıl Kýkýshkın bastapqy kezdesýin reseılik Evgenıı Tıýrnevpen ótkizedi.

Dmıtrıı Popko túrkııalyq Aqsý Chıngızben, Denıs Evseev jańazelandııalyq Raı Adjıtpen, Tımýr Máýlenov Polsha ókili Fılıpp Pılıvomen, Islam Orynbasar úndistandyq Dev Prdjvalmen oınaıdy.

Jarysqa arnaıy shaqyrtý alǵan Aryslanbek Aıtqulov irikteý saıysynda tájirıbeli ózbekstandyq Denıs Istomınmen, Vıtalıı Zatsepın belorýssııalyq Egor Gerasımovpen, Grıgorıı Lomakın reseılik Evgenıı Fılıppovpen sheberlik baıqasady.

Sondaı-aq qazaqstandyq tennısshilerdiń juptyq synda da qarsylastary belgili boldy.

Eske sala keteıik, budan buryn Jibek Qulambaevanyń Chehııadaǵy týrnırdiń fınalynda jeńilip qalǵanyn jazǵan bolatynbyz.