Astanada er adamǵa pyshaqpen shabýyldaǵan kúdiktini ustaǵan ulandyqtar marapattaldy
Baspasóz qyzmetiniń málimetterine qaraǵanda, Ulttyq ulannyń elordadaǵy áskerı qalashyǵynda Ulttyq ulannyń 5451 áskerı bóliminiń sarbazdary Іshki ister mınıstriniń orynbasary — Ulttyq ulan Bas qolbasshysynyń buıryǵymen «Ulttyq ulan qyzmetiniń úzdigi» tósbelgisimen marapattaldy.
Marapatty jaýyngerlerge Ulttyq ulan Bas shtab bastyǵynyń orynbasary — Jedel basqarý bas basqarmasynyń bastyǵy polkovnık Erlan Jaqypov tabystady.
— Qala tynyshtyǵyn saqtaý — bizdiń basty mindetimiz. Bas qalada ótip jatqan aýqymdy shara kezinde turǵyndar men qonaqtardyń qaýipsizdigin qorǵaýǵa erekshe mán berýdemiz. Sondyqtan, kez kelgen jaǵdaıǵa daıynbyz, kómekke jedel baramyz. Árbirińiz qala kóshelerinen áskerı jasaqtardy kórip júrgen bolarsyzdar. Minekeı, sol sarbazdardyń qyraǵylyǵynyń arqasynda kún saıyn túrli qylmystyq oqıǵalarǵa tosqaýyl qoıylyp, esirtkimen, qarýmen júrgen, qoǵamǵa qaýipti azamattar quryqtalady. Joǵalǵan balalar ata-anasyna, tabylǵan zattar ıelerine qaıtarylady. Adam ómirine arasha túsken jaǵdaılar da az emes, - deıdi ulandyq jaýyngerler.
Joǵaryda atalǵan oqıǵa 10 qyrkúıek kúni Baıqońyr aýdanynda bolǵan. Á.Jangeldın kóshesinde qoǵamdyq tártip pen qaýipsizdikti qamtamasyz etý kezinde patrýldik top bastyǵy Ermahan Tórebekov qansyrap jatqan adamdy baıqap qalǵan. Ol dereý jábirlenýshige alǵashqy medıtsınalyq kómek kórsetip, jedel járdem men polıtsııa qyzmetkerlerin shaqyrǵan. Sondaı-aq baqylaý beınekameralarynyń kómegimen oqıǵa ornynan qashyp ketken kúdiktiniń baǵytyn anyqtaǵan. Shuǵyl habarlama alǵan áskerı jasaq bastyǵy serjant Nursultan Qaıratbek jáne patrýldeýshi sarbazdar Baqytjan Boranbaev pen ıAroslav Fıks jedel izdestirý sharalaryn uıymdastyryp, kóp uzamaı kúdiktini Qarasaı batyr kóshesinde qolǵa túsiredi.
Aıta ketelik, Astana qalasynyń tynyshtyǵyn kúzetýge Ulttyq ulannan kúndelikti 1000-nan asa áskerı qyzmetshi jumyldyrylady.