Astanada pırotehnıkanyń qaýipsizdigi qalaı tekseriledi

<p>Bıyl Astana qalasy boıynsha tehnıkalyq retteý jáne metrologııa komıtetiniń departamenti jospardan tys 19 tekserý júrgizdi. Onyń ishinde prokýratýramen birlesken 5 tekserý, attraktsıondar men pırotehnıkalyq buıymdardyń qaýipsizdigi boıynsha 308 kásibı baqylaý boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdigine silteme jasap.&nbsp;</p>

Astana qalasy boıynsha tehnıkalyq retteý jáne metrologııa komıteti departamentiniń basshysy Rústem Aımenov kommýnıkatsııalar qyzmetinde ótken brıfıngte 14 kásipkerlik sýbektisi ÁQBtK boıynsha jaýapkershilikke tartylǵanyn aıtty.

Jalpy somasy 13 252 100 teńgege 14 ákimshilik aıyppul salyndy.

Onyń ishinde 12 mln teńgege jýyǵy óndirildi.

3 sýbektige tehreglament talaptaryna sáıkes kelmeıtin ónimge tyıym salý jáne aınalymnan alý týraly qaýly berildi.

«Bizdiń jumysymyz túsindirý arqyly zańbuzýshylyqtyń aldyn alýǵa baǵyttalǵan. Eýrazııa ekonomıkalyq odaǵynyń attraktsıondardyń qaýipsizdigi týraly  tehnıkalyq reglamenti adamnyń ómirin jáne densaýlyǵyn, múlkin qorǵaý maqsatynda qoıylatyn eń mınımaldy talaptardy belgileıdi», — dep túsindirdi spıker.

Ekinshi mańyzdy másele — jańa jyl qarsańynda belsendi satylatyn pırotehnıkalyq ónimder. Pırotehnıkalyq buıymdarǵa Keden odaǵynyń «Pırotehnıkalyq buıymdardyń qaýipsizdigi týraly»tehnıkalyq reglamenti qoldanylady.

Spıkerdiń sózinshe, óndirýshiler, ımporttaýshylar, daıyndaýshy ýákilettik bergen tulǵalar, sáıkestikti mindetti túrde rastaýǵa jatatyn ónimdi satýshylar:

— ónimniń tehnıkalyq reglamentte belgilengen talaptarǵa sáıkestigin qamtamasyz etýge;
— ónimniń sáıkestigin rastaýdy júrgizýge;
— satyp alýshylardyń, onyń ishinde tutynýshylardyń talaby boıynsha sáıkestik sertıfıkatyn, ónimniń sáıkestigi týraly deklaratsııalardy, olardyń kóshirmelerin usynýǵa mindetti.

«Joǵaryda atalǵan zań normalaryn saqtamaý faktileri boıynsha Astana qalasy, Jırentaev kóshesi, 18 mekenjaıynda ornalasqan bizdiń departamentke júginý kerek», — dep qorytyndylady Rústem Aımenov.