Astanada paıdalaný merzimi ótip ketken júzdegen lıft almastyrýdy qajet etedi
«Búgingi kúni elorda aýmaǵynda jalpy aýdany 21 mln sharshy metr bolatyn 2 431 kóp páterli (kóp qabatty) turǵyn úı ornalasqan. Sonymen birge, Astanada 5 516 lıft tirkelgen, olarǵa 47 mamandandyrylǵan uıym qyzmet kórsetedi.
TKSh jańǵyrtý sheńberinde 2011-2015 jyldar aralyǵynda 60-tan asa lıft almastyryldy.
Búgingi kúni paıdalaný merzimi ótip ketken 109 lıft almastyrýdy qajet etedi. Lıft jabdyqtarynyń az ýaqytta tozýyna turǵyn úı keshenderiniń qurylysy kezinde lıftterdi shamadan tys júktememen paıdalaný jıi sebep bolady, osyǵan baılanysty qaladaǵy lıfterdiń 20%-dan astamy kúrdeli jóndeýdi qajet etedi,-delingen habarlamada.
9 qabatty turǵyn úıdegi bir lıftti almastyrýǵa 6-8 mıllıonov teńge qajet. Lıfttiń modeli men óndirýshi memleketke baılanysty bul soma birneshe esege ulǵaıýy múmkin. Ákimdiktiń derekterine qaraǵanda, búgingi kúni turǵyndardyń bıýdjetine júktemeni azaıtý úshin «Óńirlerdi damytý 2020» baǵdarlamasy iske asyrylýda, oǵan paıdalaný merzimi ótip ketken lıftterdi qaıtarymdy negizde aýystyrý kiredi.
Atap ótý kerek, erejege sáıkes, árbir lıfttiń óndirýshi zaýyt belgilegen 25 jyldan aspaıtyn paıdalaný merzimi bar. Paıdalanýǵa berilgen sátten bastap lıftke bilikti jáne sáıkes bilimi bar mamandar qyzmet kórsetýi kerek.