Astanada paýerlıftıngten álem chempıonaty ótedi

<p>ASTANA. KAZINFORM &ndash; 5-12 qazan aralyǵynda Astanada kórý qabileti tómen jáne zaǵıp sportshylar arasynda IBSA Paýerlıftıng jáne jatyp syǵymdaýdan álem chempıonaty ótedi. Bul týraly elorda ákimdiginiń baspasóz qyzmeti habarlady.&nbsp;</p>

Sporttyq is-shara elimizde alǵash ret uıymdastyrylyp otyr. Álem birinshiligine Qazaqstan, Grýzııa, Ýkraına, Túrkııa, Egıpet, Lıvııa, Chehııa, Izraıl, Kenııadan 71 sportshy qatysady. Jalpy qatysýshylar sany 130 adamdy quraıdy, onyń ishinde jattyqtyrýshylar, kómekshiler jáne tóreshiler bar.

Atalǵan chempıonat elimizde ınklıýzıvtikti qoldaýǵa jáne múmkindigi shekteýli jandardyń sportyn damytýǵa mańyzdy úles qosady. Sondaı-aq álem chempıonatyna kirý tegin. 

Aıta keteıik, bul doda qazaqstandyq para paýerlıftıng federatsııasy jáne Qazaqstandyq zaǵıp sport assotsıatsııasymen uıymdastyrylyp, Týrızm jáne sport mınıstrligi men Astana qalasy ákimdiginiń qoldaýymen ótkiziledi. 

Eske sala keteıik, buǵan deıin Talǵat Orynbasardyń dzıýdodan álem chempıonatynda qola júldege qol jetkizgenin jazǵan edik.