Astanada patsıentterge arnalǵan qMed mobıldi platformasy tanystyryldy

<p>ASTANA. KAZINFORM &ndash; qMed jańa mobıldi platformasynyń ereksheligi patsıentterge sozylmaly ınfektsııalyq emes aýrýlardy óz betinshe baqylaýǵa múmkindik beredi. Emhanaǵa qaralý tártibin retke keltirýge qabiletti jáne medıtsına qyzmetkerlerimen ózara is-qımyldy jeńildetedi. Bul týraly Astana qalasynyń ákimdigi málim etti.&nbsp;</p>

№ 8 qalalyq emhanada elordanyń Tsıfrlandyrý jáne memlekettik qyzmetter basqarmasy Astana Hub-pen yntymaqtastyqta bastamashylyq jasaǵan «Astana Smart City Accelerator» baǵdarlamasynyń qatysýshysy qMed platformasynyń tusaýkeseri ótti. Platforma aýrýlardy basqarý baǵdarlamasy sheńberinde sozylmaly ınfektsııalyq emes aýrýlary bar dıspanserlik esepte turǵan patsıentterge arnalǵan.

Joba jetekshisi Nurlan Bıimbettiń aıtýynsha, qosymshanyń arqasynda smartfonnyń kómegimen óz jaǵdaıyńyzdy baqylaýǵa jáne ony qoldaýǵa múmkindik bar.

«Bizdiń platforma patsıentterge ózin-ózi baqylaý boıynsha qoljetimdilikti ashady jáne onyń densaýlyǵy men ómir súrý sapasyn jaqsartý úshin medıtsına qyzmetkerlerimen ózara is-qımyldy jeńildetedi», — dep túsindirdi Nurlan Bıimbet.

qMed mobıldi platformasy Mádenıet jáne aqparat mınıstrligi iske asyratyn «Táýelsizdik urpaqtary» granty sheńberinde ázirlendi.

2023 jyly «Aqparattyq tehnologııalar» baǵyty boıynsha jumystar arasynda sozylmaly ınfektsııalyq emes aýrýlary bar adamdarǵa biregeı kómekshini engizý boıynsha densaýlyq saqtaý salasyndaǵy joba irikteldi.

Esterińizge sala keteıik, «Táýelsizdik urpaqtary» granty 2021 jyldan bastap Memleket basshysynyń bastamasymen daryndy jastardy memlekettik qoldaý maqsatynda beriledi.