Astanada Parlament palatalarynyń birlesken otyrysy ótip jatyr

<p>ASTANA. KAZINFORM &ndash; Búgin elordada Parlament palatalarynyń birlesken otyrysy bastaldy.</p>

Kún tártibine sáıkes, Parlament Qazaqstan Respýblıkasy Konstıtýtsııalyq Sotynyń «Qazaqstan Respýblıkasyndaǵy konstıtýtsııalyq zańdylyqtyń jaı-kúıi týraly» joldaýyn tyńdaýǵa kiristi. Budan bólek, Qazaqstan Respýblıkasy Úkimetiniń jáne QR Joǵary aýdıtorlyq palatasynyń 2023 jylǵy respýblıkalyq bıýdjettiń atqarylýy týraly esepterin talqylaıdy.

Birlesken otyrysta «Qazaqstan Respýblıkasynyń sot júıesi men sýdıalarynyń mártebesi týraly» Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zańynyń jobasy ekinshi oqylymda qaralady.

Palata otyrysyna depýtattyq korpýstan bólek, QR Premer-Mınıstri bastaǵan Úkimet músheleri tolyq quramda qatysyp jatyr. Sonymen qatar, QR Konstıtýtsııalyq soty men QR Joǵarǵy sotynyń tóraǵalary, QR Ulttyq bankiniń tóraǵasy bar.

Eske sala keteıik, respýblıkalyq bıýdjettiń atqarylýy týraly esep buǵan deıin palatalarda jeke-jeke talqylanǵan bolatyn. Málimetterge sáıkes, byltyr bıýdjettiń 489 mlrd teńgesi tıimsiz ıgerilgen.