Astanada Ózbekstannyń kıno kúnderi ótedi

<p>ASTANA. KAZINFORM — 6-7 tamyzda Ózbekstan Respýblıkasynyń Prezıdenti Shavkat Mırzıeevtiń Qazaqstanǵa memlekettik sapary aıasynda Chaplin kınoteatrynda Ózbekstan kıno kúnderi ótedi.</p>

Elorda turǵyndary men qonaqtary ózbek kınematograftarynyń eki fılmin tegin kóre alady.

Birinshi fılm — rejısser M.Erkınov 2023 jyly túsirgen «Abdýlla Orıpov: Táýelsizdik ánshisi» kınosy.

Foto: Mádenıet mınıstrligi

Týyndyda Ózbekstan memlekettik ánurany mátininiń avtory, kórnekti aqyny Abdýlla Orıpovtyń ómiri men shyǵarmashylyǵy týraly baıandalady.

Kórermen aqynnyń balalyq jáne jastyq shaǵyna saıahattap, onyń ózbek ádebıeti men mádenıetine qosqan eleýli úlesinen habardar bola alady.

Ekinshi fılm «ıAsha, hotın!»(Jasa, áıel!) komedııasy otbasylyq qundylyq taqyrybyn ázilmen ashady.

Oqıǵa zeınetke shyqqannan keıin ózin jalǵyz sezinetin umytshaq basty keıipker týraly.

Fılm erli-zaıyptylar, ata-analar men balalar arasyndaǵy ózara súıispenshilik pen qamqorlyqtyń mańyzyn baıandaıdy.

Kıno óneri arqyly Ózbekstannyń ǵıbratqa toly dástúrimen, mádenıetimen tanysý múmkindiginen qapy qalmańyz. 

Aıta keteıik, Ózbekstan prezıdenti Shavkat Mırzıeevtiń Qazaqstanǵa memlekettik sapary 7 jáne 8 tamyz aralyǵyna josparlanǵan.