Astanada ótip jatqan Mendeleev olımpıadasynyń jeńimpazyna qansha syıaqy beriledi

ASTANA. QazAqparat – Astanadaǵy Nazarbaev ýnıversıtetinde 1-6 mamyr aralyǵynda oqýshylar arasynda hımııadan ótetin 57-shi Halyqaralyq Mendeleev olımpıadasynyń absolıýtty jeńimpazyna 11 mln teńge beriledi, dep habarlaıdy QazAqparat tilshisi.

Osymen 57-shi ret ótip jatqan halyqaralyq bilim saıysyna bul joly Latvııa, Ázerbaıjan, Bolgarııa, Brazılııa, Qyrǵyzstan, Makedonııa, Reseı, Saýd Arabııasy, Túrkimenstan, Túrkııa, Armenııa, Belarýs, Majarstan, Izraıl, Mońǵolııa, Birikken Arab Ámirlikteri, Sırııa, Tájikstan, Horvatııa, Ózbekstan, Qazaqstan sııaqty 21 elden 116 oqýshy qatysýda.

Bilim saıysy Qazaqstannyń Oqý-aǵartý mınıstrligi men Ǵylym jáne joǵary bilim mınıstrliginiń, Reseı tarapynan M. V. Lomonosov atyndaǵy MMÝ hımııa fakýlteti men Andreı Melnıchenko qorynyń uıymdastyrýymen ótip jatyr.

Olımpıadanyń ashylý saltanatynda sóz alǵan Oqý-aǵartý vıtse-mınıstri Sholpan Qarınova bilim baıqaýynyń Qazaqstan Halqynyń birligi kúnimen qatar kelgenin atap ótti.

«Prezıdentimiz Qasym-Jomart Toqaev balalardyń damýyna, daryndylardy qoldaýǵa úlken kóńil bólip, ǵylym men bilimniń mádenıettiń damýyna qajetti jaǵdaıdyń bárin jasap otyr. Halyqaralyq zııatkerlik olımpıadalardyń jeńimpazdary men júldegerleri bizdiń elde 5 mln teńge kóleminde syıaqy alady jáne eldegi úzdik joǵary oqý oryndarynda konkýrssyz-aq, aqysyz bilim alýǵa múmkindik alady», - dedi vıtse-mınıstr.

Uıymdastyrý komıtetiniń tóraǵasy, reseılik ǵalym Stepan Kalmykovtyń aıtýynsha, saıysqa Brazılııa komandasy alǵash ret qatyspaqshy. Bul – Olımpıadanyń 57 jyldyq tarıhynda Latyn Amerıkasynan qatysyp otyrǵan alǵashqy el.

«Bul saıysqa óz elderindegi ulttyq olımpıadalarda úzdik tanylǵandar kelip otyr. Olmıpıada bir teorııalyq, bir praktıkalyq kezeńnen turady. Tapsyrmalar jyl saıyn túbegeıli ózgertilip otyrady. ıAǵnı, aldyńǵy jyldary kelgen tapsyrmalarǵa qarap, bıyl qandaı tapsyrma bolatynyn anyqtaý múmkin emes. Bul óte mańyzdy. Óıtkeni oqýshylar zamanaýı hımııanyń materıalyn keńinen meńgergen bolýy kerek.

21 eldiń bilim berý júıesi, baǵdarlamasy ár túrli ekeni túsinikti. Biraq bul balalardyń bári shetinen qabiletti, talantty. Ár eldegi oqýshylardyń 2-3 paıyzy daryndy dep alsaq, bular solardyń ishindegi tańdaýlylar. Mundaǵy tapsyrmalar mektep baǵdarlamasynyń aıasyna syımaýy da múmkin. ıAǵnı, hımııalyq protsesterdi qanshalyqty tereń túsingenin anyqtaý baǵytynda mektep baǵdarlamasynan salmaqty tapsyrmalar berilýi múmkin. Óıtkeni mektepte zamanaýı hımııanyń bazalyq materıaly oqytylady. Bular sol bazalyq bilimdi tereńdetip meńgergen oqýshylar. Tapsyrmalardy halyqaralyq áriptesterimizben birlesip daıyndadyq. Olımpıadaǵa qatysýshylardyń bilimin baǵalaıtyn qazylar alqasynda da halyqaralyq áriptesterimiz bar», - dedi Stepan Kalmykov.

Qazaqstan atynan bul olımpıadaǵy 15 úmitker qatysyp jatyr. Olımpıadanyń qorytyndysy 6 mamyrda belgili bolady. Olımpıadanyń qola, kúmis, altyn medalderinen bólek absolıýtti jeńimpazǵa beriletin akademık V. V. Lýnın atyndaǵy syıaqysy bar. Andreı Melnıchenko atyndaǵy qor taǵaıyndaǵan syıaqynyń mólsheri – 2 mln Reseı rýbli (shamamen 11 mln 260 myń teńge – red).