Astanada ótetin Sırııa kelissózderinde bitimgershilikti buzýǵa qarsy sanktsııa qoldaný máselesi talqylanady
11:53, 14 Aqpan 2017
ASTANA. QazAqparat - Astanada ótetin Sırııa kelissózderinde bitimgershilikti buzýǵa qarsy sanktsııa qoldaný máselesi talqylanady. Bul týraly búgin Úkimettiń selektorlyq otyrysy aldynda BAQ ókilderine QR Syrtqy ister mınıstri Qaırat Ábdirahmanov málim etti, dep habarlaıdy QazAqparat.
«Soǵys qımyldaryn toqtatý rejimin buzýdy tirkeý tetikteri, sonymen qatar soǵys qımyldaryn toqtatý týraly rejimdi buzýshylarǵa qatysty sanktsııa qoldaný týraly máseleler qozǵalady», - dedi ol.
Aıta keteıik, buǵan deıin aqpannyń 15-16-sy kúnderi elordada Sırııa máselesi boıynsha kezekti kezdesý ótetindigin habarlaǵan bolatynbyz. Syrtqy ister mınıstrliginiń baspasóz qyzmeti aqparatyna sáıkes, kezdesýde Sırııa jerinde áskerı is-qımyldy toqtatý rejımin saqtaý máseleleri, sonyń ishinde belgili aýmaqtarda axýaldy turaqtandyrý jaıy sóz bolady. Sondaı-aq, birlesken shuǵyl top týraly ereje qabyldanyp, bitimgershilik rejimdi kúsheıtý jáne basqa da Jeneva kelissózderi aldyndaǵy sharalar talqyǵa salynbaq.