Astanada ótetin kúresten Azııa chempıonatynyń jarys kestesi jarııalandy

ASTANA. QazAqparat – 9-14 sýáir aralyǵynda Astananyń Jaqsylyq Úshkempirov atyndaǵy «Jekpe-jek» saraıynda kúrestiń úsh túrinen ótetin Azııa chempıonatynda el namysyn qorǵaıtyn balýandardyń tizimi belgili boldy, dep habarlaıdy QazAqparat tilshisi.

9-10 sáýir aralyǵynda grek-rım kúresiniń sheberleri kúsh synasady. Jarystyń birinshi kúni 60, 67, 72, 82 jáne 97 kelige deıingi salmaq dárejesindegi balýandar kilemge shyqsa, ekinshi kúni 55, 63, 77, 87 jáne 130 keli salmaq dárejesindi balýandar kúresedi.

Qazaqstan quramasynyń sanatynda: 55 keli - Amanǵalı Bekbolatov (SQO), 60 keli - Ernur Fıdahmetov (ShQO), 63 keli - Muhamedáli Mamyrbek (Shymkent qalasy), 67 keli - Almat Kebispaev (Qaraǵandy oblysy), 72 keli - Ibragım Magomadov (Qaraǵandy oblysy), 77 keli - Demeý Jadyraev (Almaty oblysy), 82 keli - Dıas Qalen (Jetisý oblysy), 87 keli - Nursultan Tursynov (Abaı oblysy), 97 keli - Oljas Syrlybaı (Qyzylorda oblysy), 130 keli - Álimhan Syzdyqov (Shymkent qalasy) el namysyn qorǵaıdy. Quramanyń bas bapkeri - Serik Jumashev.

Al, 11-12 sáýir aralyǵynda áıelder kúresiniń júldeleri sarapqa salynady. 11 sáýirde 50, 55, 59, 68 jáne 76 kelidegi sportshylar kúresse, 12 sáýirde 53, 57, 62, 65 jáne 72 keli salmaqtaǵy balýandar baq synaıdy.

Qurama qatary mynandaı: 50 keli - Ellada Mahıaddınova (Aqmola oblysy) 53 keli - Altyn Shaǵaeva (Almaty oblysy), 55 keli - Marına Sedneva (Almaty oblysy), 57 keli - Nılýfar Raımova (Túrkistan oblysy), 59 keli - Dıana Kaıýmova (Astana qalasy), 62 keli - Irına Kýznetsova (Aqmola oblysy), 65 keli - Albına Qaıyrgeldınova (Aqmola oblysy), 68 keli - Elena Shalygına (Shymkent qalasy), 72 keli - Jamıla Baqbergenova (Astana qalasy), 76 keli - Elmıra Syzdyqova (Qaraǵandy oblysy). Bas bapker - Qaırat Saǵadıev

Sáýirdiń 13 men 14 aralyǵynda erkin kúres balýandary beldesedi. 13 sáýirde 57, 65, 70, 79 jáne 96 kelige deıingi salmaq dárejesindegi balýandar óner kórsetse, 14 sáýirde 61, 74, 86, 92 jáne 125 kelige deıingi salmaq dárejesindegi sportshylar kúresedi.

Erkin kúresten Qazaqstan quramasynyń sapynda myna balýandar shyǵady: 57 keli - Rahat Qaljan (Jambyl oblysy) 61 keli - Nurbolat Ábdýalıev (Túrkistan oblysy), 65 keli - Muhtar Sanjar (Jambyl oblysy), 70 keli - Sanjar Dosjanov (Astana qalasy), 74 keli - Darhan Esenǵalı (Shymkent qalasy), 79 keli - Bolat Saqaev (Atyraý oblysy), 86 keli - Azamat Dáýletbekov (ShQO), 92 keli - Rızabek Aıtmuhan (Almaty qalasy), 97 keli - Bekzat Úrkimbaı (Astana qalasy), 125 keli - ıÝsýp Batyrmýrzaev (Aqtóbe oblysy). Bas bapker - Madııar Quramysov.

Azııa chempıonatynyń kúntizbesi boıynsha, kún saıyn kúndizgi sessııa saǵat 11:00-de (aldyn ala, jartylaı fınaldyq jáne jubanysh beldesýleri), keshki sessııa 18.00-de (1-shi jáne 3-shi oryndar úshin fınaldyq oıyndar) bastalady.

Resmı ashylý saltanaty: 9 sáýir, saǵat 17:00-de.

Buǵan deıin habarlaǵanymyzdaı, 9-14 sáýir aralyǵynda Astanada grek-rım, erkin jáne áıelder kúresinen ótetin 36-shy Azııa chemıponatyna qurlyqtyń 24 elinen 300-den astam balýan qatyspaq.

Azııa chempıonatynda jeńgen balýandardyń jattyqtyrýshylaryna da aqshalaı syıaqy beriledi.