Astanada ótetin «Qasıetti qazaq eli» festıvaline 10 elden qandastarymyz qatysady

ASTANA. QazAqparat - Elordada sheteldik otandastarymyzdyń qatysýymen «Qasıetti qazaq eli» atty halyqaralyq óner festıvali ótedi, dep habarlaıdy QazAqparat tilshisi.

Óner festıvaline 10 elden barlyǵy 50-ge jýyq úmitker qatysady. Onyń 35-i - shetelden, qalǵany - óz elimizden. Frantsııa, Aýǵanstan, Túrkııa, Iran jáne taǵy basqa elderden otandastarymyz baq synaıdy.

Baıqaý úsh baǵytta ótedi: dástúrli qolóner saıysy, termeshiler baıqaýy jáne jyr músháırasy. 

«Bul festıval - jyl saıyn ótkizilip kele jatqan aıtýly shara. Mundaǵy maqsat - shetelde turatyn qandastarymyzdyń basyn qosyp, ulttyq ónerimizdi birge ulyqtaý. Bıyl óner dodasyn Elorda tórinde ótkizemiz dep sheshtik. Al kelesi jyly aldymen elimizdiń barlyq óńirinde aımaqtyq festıval ótkizip, ishinen úzdikterin tańdaımyz. Sosyn ǵana jyl sońynda Astanada iri kólemde festıval uıymdastyrýdy josparlap otyrmyz», - dedi Dúnıejúzi qazaqtary qaýymdastyǵynyń Astana jáne Aqmola oblystyq fılıalynyń basshysy Qarlyǵash Bekpatshaqyzy.

Uıymdastyrýshylardyń aıtýynsha, óner sharasy sheteldegi otandastarymyzben qarym-qatynasty nyǵaıtý úshin mańyzdy. Jáne bıylǵy erekshelik - alǵash ret Astanada ótkizilýinde.

Halyqaralyq óner básekesiniń jalpy júlde qory - 3 mln teńgege jýyq. Shara Dúnıejúzi qazaqtary qaýymdastyǵy men «Otandastar» qorynyń uıymdastyrýymen 7 qarasha kúni «Beıbitshilik jáne kelisim» saraıynda ótedi. Qoldaýshy - Qoǵamdyq damý mınıstrligi.

Buǵan deıin habarlaǵanymyzdaı, búgin Astanada shetel qazaqtary bas qosqan bolatyn.