Astanada ótetin alaman báıge jeńimpazy 15 mln teńge alady

ASTANA. QazAqparat - 29-30 maýsym kúnderi Astananyń «Qazanat» atshabarynda Aqtóbe oblysynyń mádenıet kúnderi aıasynda sporttyq-buqaralyq  sharalar ótedi, dep habarlaıdy elorda ákimdiginiń baspasóz qyzmeti. 

Eki kún qatarynan ıppodrom aýmaǵynda Astana ýaqyty boıynsha saǵat 18.00-de Astana qalasy, Aqmola jáne Aqtóbe oblystarynyń shabandozdary ózara jarysady.

Búgin jamby atý, qyz qýý, kókpar, aýdaryspaq, qazaq kúresi, toǵyzqumalaq jáne tazy ıtterdi  jarystyrý sııaqty is-sharalar ótedi. Júlde qory 3,5 mln teńgeni quraıdy.

Erteń resmı túrde at jarystarynyń ashylýy ótedi. Baǵdarlama boıynsha túrli baǵytta báıge uıymdastyrylady. Jorǵa jarystyń qashyqtyǵy 7 shaqyrym, júlde qory - 6,3 mln teńge. Alaman báıge boıynsha 21 shaqyrym, júlde qory - 15 mln teńge.