Astanada «Otbasy, mektep, qoǵam - ıgilikti bolashaq úshin birge!» respýblıkalyq pedagogıkalyq forým óz jumysyn bastady
Jalpy otyrysty ashqan QR Memlekettik hatshysy Qanat Saýdabaev forýmǵa qatysýshylar atynan QR Prezıdenti Nursultan Nazarbaev atynan quttyqtaýdy oqyp berip, qazirgi ustazdarǵa júkteletin mindetti atap ótti.
«Qazaqstandy beıbitshilik pen kelisim, jaqsylyq pen gúldený joly arqyly alǵa bastaıtyn sizdersizder», - dedi Q.Saýdabaev.
Qazaqstannyń Memlekettik hatshysy atap ótkendeı, QR Táýelsizdiginiń 20 jyldyǵy qarsańynda Astanada pedagogıkalyq forýmnyń ótkizilýi - elimizdegi muǵalimderdiń orny men bedelin taǵy bir márte aıshyqtaı túsedi.
Forým jumysyna sondaı-aq Qazaqstan oblystarynan kelgen delegattar, memlekettik jáne memlekettik emes bilim berý oryndarynyń jetekshileri, úkimettik emes jáne halyqaralyq uıymdardyń ókilderi, ata-analar qatysýda. Sondaı-aq is-sharaǵa QR Prezıdenti Ákimshiliginiń, QR Premer-Mınıstri keńsesiniń qyzmetkerleri men Parlament depýtattary, mınıstrlikter men vedomstvo basshylary shaqyrylǵan.
QR Bilim jáne ǵylym mınıstri Baqyjan Jumaǵulov negizgi baıandama jasady.
Forým aıasynda L.N.Gýmılev atyndaǵy EUÝ-de «Aımaqtar. Innovatsııa, Básekege qabiletti bilim» atty kórme ótýde.