Astanada otandyq jáne reseılik juldyzdardyń kontserti ótetindigi týraly aqparat – feık

NUR-SULTAN. QazAqparat – 8 mamyr kúni «Barys-Arena» saraıynda otandyq jáne reseılik estrada juldyzdarynyń qatysýymen kontsert ótedi degen aqparat – jalǵan. Bul týraly «MTEX management» basqarýshy kompanııasy málim etti, dep habarlaıdy QazAqparat.

Kompanııa astana turǵyndary men qonaqtaryna áleýmettik jelilerde taraǵan aqparattyń shyndyqqa janaspaıtynyn habarlady.

«MTEX management» bul sharanyń uıymdastyrýshysy emes. Ondaı shara ótkizýdi josparlap otyrǵan joq jáne jalǵan aqparattyń taralýyna jaýap bermeıdi», - dep málimdedi kompanııa.

Sondaı-aq, mtexm.com saıty men áleýmettik jelidegi @mtex_management paraqshasynda jarııalanatyn resmı aqparattarǵa ǵana senýdi surady.