Astanada otandyq taýar óndirýshiler forýmy ótýde

ASTANA. QazAqparat- Forým aıasynda Astana qalasy men Qaraǵandy oblysynyń qurylys kompanııalary arasynda ekijaqty yntymaqtastyq memorandýmyna qol qoıyldy, dep habarlaıdy QazAqparat tilshisi.

Forýmda atalǵan eki óńirdiń taýar óndirýshileri óz ónimderin tanystyrdy. Sonymen qatar Qaraǵandy oblysynyń óndiristik jáne ındýstrııaly ınnovatsııalyq əleýeti týraly sóz qozǵaldy.

Odan bólek, taýar óndirýshiler arasynda V2V úlgisinde dıalogtyq kórme uıymdastyryldy. Kórmede taýar óndirýshiler óz ónimderin usynyp qana qoımaı, ózara əriptestik ornatty.

   «Búgingi otandyq taýar óndirýshiler úshin aıtýly kún, óıtkeni bul forýmda óz ónimderi týraly aıtyp qana qoımaı ózara yntymaqtastyqta jumys isteýge qol jetkizýde. Ózderińiz biletindeı Astana qarqyndy damýda. Ásirese qurylys salasynda ilgerileý bar. Osy turǵyda otandyq ónimderdi keńinen qoldaýmen qatar qoldaný qajettigi týyndap tur. Bul jerde kishirigim tsehtan bastap iri holdıngke deıin bar. Al, Qaraǵandyǵa kelsek oblystyń óndiristik áleýeti joǵary, atap aıtqanda onda 217 iri jáne usaq ónerkásip bar, halqynyń 31,6% óndiris salasymen aınalysady», - dedi Astana qalasynyń ınvestıtsııalar jáne kásipkerlikti damytý basqarmanyń basshysy Álisher Ábdiqadyrov.

Forým aıasynda Astana jəne Qaraǵandy oblysynyń BI-GROUP, «ArselorMıttal Temirtaý» AQ, «Altyn Arna» holdıngi JShS, «TAS-2006» JShS, «ALIAN-Paint» JShS, «Metall Profıl» zaýyty JShS, Bazıs-A jəne «Bekem-Plast» JShS, «Jakko Qaraǵandy» JShS, «ALIAN-Paint» JShS, «Santehprom» JShS, Sembol jəne «Santehprom» JShS qurylys kompanııalary arasynda ekijaqty yntymaqtastyq týraly memorandýmǵa qol qoıyldy.

«Bizdiń kompanııa otandyq energetıka naryǵynda aldyńǵy qatarda. Sońǵy bir jyl ishinde oblystyń ortalyq alańyn jaryqtandyrý tolyq bizdiń kompanııanyń taýarlarymen qamtyldy. Odan bólek elimizdiń basqa da iri qalalary men TMD elderiniń elektrotehnıkalyq nysandarynda bizdiń jabdyqtar qoldanylýda. Búgingi tańda kompanııamyz 4 baǵyt boıynsha 400-den astam elektrotehnıkalyq jabdyqtar shyǵarady», - dedi qaraǵandylyq «ELTO» energojúıeler kompanııasynyń satý jónindegi dırektory Alekseı Krıýkov.