Astanada osy jazda jańa aýyz sý stansasy iske qosylyp, sý qysymy qalpyna keledi - ákim
«Ózderińiz biletindeı, birer aıdan beri «Astana Sý Arnasy» sý qysymyn tómendetýge májbúr boldy. Keıbir turǵyn úı keshenderinde sorǵylaryna baılanysty qıyndyq týyndady, mamandar arnaıy baryp, basqarýshy kompanııalarǵa júıelerdi jóndeý isine kómektesti. Maýsym aıynan bastap biz jańa aýyz sý stantsııasyn (SSS-3) kezeń-kezeńimen qoldanysqa bere bastaımyz: aldymen iske qosý ári jóndeý jumysy júrgizilip, júıeni tekseremiz, sodan keıin kúnine 35 myń tekshe metr sý beremiz. Tamyz aıynda kúnine 105 myń tekshe metr kólemde iske qosýdy josparlap otyrmyz» dep jazdy ákim Facebook paraqshasynda.
Onyń aıtýynsha, bul qaladaǵy sýmen jabdyqtaý máselesin tolyǵymen sheshýge múmkindik beredi. Onyń ishinde qurylys jumysy júrip jatqan aýdandar da bar.
Aldymyzda jylytý maýsymynyń máselesi de bar. Qala ósip keledi, turǵyn úı, áleýmettik jáne ózge de nysandar sany artyp keledi. Onyń bárin jylytý kerek.
Qalamyzda jylytý maýsymy orta eseppen alǵanda 7-8 aıǵa sozylady. Munyń bári tirshilikti qamtamasyz etý júıesiniń nysandaryna úlken kúsh túsiredi.
«Atalmysh máseleni sheshý úshin osyǵan deıin eki gaz jylytý stantsııasynyń («Turan», «Ońtústik-Shyǵys») qurylysy bastalǵan bolatyn. Sondaı-aq JEO-3 boıynsha da jumys júrip jatyr, ol qurylysy uzaqqa sozylǵan nysanǵa aınaldy. Osy nysandardyń qurylysyn aıaqtap, 2023-2024 jylytý maýsymyna olardyń qýatyn eskere otyryp, iske qosýdy mindettedim. Merdigerler jaýapkershilikti tolyqtaı bilýi kerek» deıdi Jeńis Qasymbek.