Astanada osy aptada ótetin is-sharalar ańdatpasy jarııalandy
E.Rahmadıev atyndaǵy Memlekettik akademııalyq fılarmonııa 19 sáýir kúni saǵat 19:00-de kórermenderdi «Astana operadaǵy» K.Baıseıitovanyń kameralyq zalyna, «Ýaqyt aınasy» hor mýzykasynyń kontsertine shaqyrady.
22 sáýirde saǵat 19:00-de fılarmonııa ártisteri Kákimbek Salyqovtyń 90 jyldyǵyna arnalǵan «Jez kıik» kontsertinde óner kórsetedi.
Kúndiz munda «Le Printemps Romantique» sımfonııalyq orkestriniń kontserti ótedi.
Osy aptada «Jastar» saraıynyń áleýmettik jelidegi paraqshalarynda «Balbóbek» ashyq qalalyq balalar jáne jasóspirimder shyǵarmashylyǵy festıvaline qatysýshylardyń, sondaı-aq «Sheber óner» jobasy aıasynda kásibı ujymdardyń ótken jyldary kórsetken óneri jarııalanady.
Mýzykalyq jas kórermen teatry eki qoıylym usynady. 21 jáne 22 sáýirde saǵat 19:00-de kórermender «Shanel» derekti dramasyn, 24 sáýirde saǵat 18:00-de «Shámshi» mıýzıklin tamashalaı alady.
M. Gorkıı atyndaǵy Memlekettik akademııalyq orys drama teatry 19 sáýir kúni saǵat 19:00-de V.Gýrkınniń «Narodnaıa kadrıl» lırıkalyq komedııasyn, al keshke N.Gogoldiń «Gogol.Peterbýrg» sahnalyq qoıylymyn josparlap otyr.
23 sáýir kúni saǵat 11:00-de teatr jas kórermender úshin A.Boldınovtyń «Prıklıýchenııa Aıstenka» ertegisin qoıady.
Sol kúni keshke V.Shýkshınniń «Svetlye dýmy» áńgimesinen sahnalyq qoıylymdy kórýge bolady.
Qýyrshaq teatrynda 22 sáýir saǵat 16:00-de jáne 23-24 sáýirde 12:00, 14:00, 16:00 ýaqytynda halyq eposynyń jelisi boıynsha Q.Ejembektiń «Er Tóstik» qoıylymy ótedi.
22 sáýirde kreatıvti ındýstrııany damytý ortalyǵy NOMAD City Hall-da «Kóńildi tapqyrlar alańy» lıganyń birinshi kezeńin uıymdastyrady.
Al 23 jáne 24 sáýirde Shara Jıenqulovanyń 110 jyldyǵyna arnalǵan horeograftar men baletmeısterlerdiń «Qamajaı» respýblıkalyq konkýrsyn ótkizedi.
«Jastar» teatry 19 jáne 20 sáýirde S.Qasymbektiń «Lıft» psıhologııalyq dramasyna shaqyrady.
21 sáýir kúni saǵat 11:00-de «Ur toqpaq» qazaq halyq ertegisi, 23 sáýir saǵat 19:00-de S.Raevtyń «Jumaqqa qaraı uzaq jol» qoıylymy, al birneshe saǵattan keıin N.Orazalınniń «Qylkópir» dramasy kórsetiledi.
24 sáýirde jastardyń oryndaýynda Sh.Aıtmatov, O. Bókeı, R. Muqanovanyń shyǵarmalary negizinde «Ǵasyrdan da uzaq» trıptıhin kórýge bolady.
Ortalyqtandyrylǵan kitaphanalar júıesi kúndelikti is-sharalardy oqyrmandy múmkindiginshe kóp tartý úshin uıymdastyryp keledi. 20 sáýir kúni Ortalyq qalalyq kitaphananyń qyzmet kórsetý bóliminde «Qazaqtyń birtýar ánshisi Ámire Qashaýbaev» atty slaıd-prezentatsııa ótedi.
Osy kúni №2 buqaralyq kitaphanada «Án óneriniń sańǵaly – Ámire» ádebı mýzykalyq saǵaty, №2 balalar kitaphanasynda «Júregime jol tartqan súıikti ólkem» tanymdyq saǵaty, №8 balalar kitaphanasynda «Zııandy ádetter. Ómir bos ótip ketpes úshin...» is-sharalary ótedi.
21 sáýirde Ortalyq balalar men jasóspirimder kitaphanasy oqyrmandardy «Biz kitaphanaǵa baramyz» tanymdyq saǵatyna shaqyrady.
Sol kúni tústen keıin Ortalyq qalalyq kitaphananyń qyzmet kórsetý bólimi «Munyń bári ol týraly» vıktorınasyn, №5 balalar kitaphanasy – «Kitapty ashamyn – álemdi ashamyn» aqparattyq saǵatyn, №2 Balalar kitaphanasy – «Ǵajaıyptardyń ǵajaıyby» aqparat sabaǵyn ótkizedi.
23 sáýir kúni № 10 buqaralyq kitaphanada «Kitap – máńgilik eldiń qundylyǵy» atty ádebı marafon ótedi.
24 sáýir kúni № 3 kópshilik kitaphanasy «Ónegege toly ómir» atty ádebı-kórkem saǵatqa shaqyrady.
Saıası qýǵyn-súrgin jáne totalıtarızm qurbandarynyń «ALJIR» memorıaldy-murajaı kesheni 20 sáýirde «Taǵdyr toǵystyrýshy jip» taqyrybynda dáris ótkizedi.
Osy aptada Sáken Seıfýllın mýzeıi áleýmettik jelilerdegi akkaýnttarynda «Sáken Seıfýllın 1964 j.» derekti fılminiń birinshi bólimin kórsetedi, sonymen qatar dástúrli beıne týryn ótkizedi.
19 sáýirde «Máńgilik El» saltanat qaqpasynda «Qazybek bıdiń týǵanyna 355 jyl» onlaın-sabaǵy ótedi.