Astanada Ortalyq Azııadaǵy áleýmettik kásipkerlerdiń alǵashqy quryltaıy ótedi

<p>24 qarashada Astanada Ortalyq Azııadaǵy áleýmettik kásipkerlerdiń birinshi quryltaıy ótedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

Alǵash ret Qazaqstan, Qyrǵyzstan, Tájikstan, Ózbekstan jáne Túrikmenstan elderinen kelgen áleýmettik kásip salasynyń kóshbasshylary osyndaı is-sharada bas qosady. Quryltaıǵa 300-den astam áleýmettik kásipker, sondaı-aq memlekettik organdardyń, qoǵamdyq uıymdardyń ókilderi, azamattyq belsendiler qatysady dep josparlanǵan.

Forým aıasynda sarapshylar Ortalyq Azııadaǵy tabysty áleýmettik kásipkerlik jobalardaǵy tájirıbesimen bólisedi, áleýmettik kásipkerlik arqyly saladaǵy máselelerdi sheshýde ınnovatsııalyq tásilder, áleýmettik kásipkerlerdi qoldaýdaǵy memlekettiń róli, áleýmettik bastamalardy qarjylandyrý tetikteri týraly talqylaıdy.

Mańyzdy taqyryptarynyń biri Ortalyq Azııa elderiniń áleýmettik kásipkerleri, memlekettik organdary men bıznes-qoǵamdastyǵy arasyndaǵy áriptestik qatynastardy nyǵaıtý máselelerine arnalady.

Quryltaı qazaqstandyq áleýmettik ınnovatorlar qaýymdastyǵynyń (ASI) bastamasymen jáne Qazaqstan Ulttyq ekonomıka mınıstrliginiń, Ortalyq Azııa elderi depýtattarynyń, Astana ákimdiginiń, sondaı-aq Eurasian Resources Group (ERG) qoldaýymen ótedi.