Astanada órt sóndirý qyzmetiniń jańa bastyǵy taǵaıyndaldy

ASTANA. QazAqparat - Astana qalasy TJ departamentiniń bastyǵy azamattyq qorǵaý polkovnıgi B. Duzaqbaev jeke quramǵa astanalyq Órt sóndirý qyzmetiniń jańa bastyǵyn tanystyrdy.

 Bul laýazymǵa  azamattyq qorǵaý polkovnıgi Rýslan Elshibaev taǵaıyndaldy.

«Rýslan Muqanuly azamattyq qorǵaý organdarynda 20 jyldan astam eńbek etip keledi. Biz ony bilikti ári bilimdi basshy retinde tanımyz. «EKSPO-2017» halyqaralyq mamandandyrylǵan kórmeniń qarsańynda Órt sóndirý qyzmetiniń ár mamanynyń ıyǵynda úlken jaýapkershilik jatqanyn túsinýimiz kerek.  Siz óz isiniń mamany retinde alǵa qoıylǵan barlyq mindetterdi oryndaı alatyńyzǵa senemin»,-dedi B. Duzaqbaev.

Elshibaev Rýslan Muqanuly 1974 jyly Aqmola oblysynyń Ereımentaý aýdanyna qarasty Úlenti aýylynda dúnıege kelgen. Azamattyq qorǵaý organdarynda 1994 jyldyń qyrkúıek aıynan bastap qyzmet etýde.

«Qyzmet atqarý jyldary ózin bilikti maman retinde kórsete bildi. Jaqsy uıymdastyrýshylyq qasıetterge ıe.  Qyzmettik máselelerdi sheshý barysynda tabandylyq bildiredi, qyzmetkerlerge alǵa qoıylǵan mindetterdi oryndaýǵa baǵyt bere alady»,-dep atap ótilgen TJD málimetinde.

QR TJM «Órtke qarsy qyzmet organdaryndaǵy minsiz qyzmeti úshin» II jáne ІІІ dárejeli medaldarmen, QR Tótenshe jaǵdaılar mınıstriniń qurmet gramotasymen, «Tótenshe jaǵdaılar júıesin damytýǵa qosqan úlesi úshin» tósbelgisimen,  «QR Іshki ister mınıstrligi Tótenshe jaǵdaılar komıtetine 20 jyl» mereıtoılyq medalimen marapattalǵan.

Astana qalasy TJD «ÓS jáne AQJQ» MM bastyǵynyń orynbasary laýazymyna   azamattyq qorǵaý polkovnıgi Sáken Qýanyshbaev taǵaıyndaldy. Ol azamattyq qorǵaý organdarynda 1998 jyldan bastap qyzmet etýde.