Astanada Organic Nauryz Festival eko-ónimder festıvali bastaldy
«Bul - bizdiń ekinshi ret ótkizip otyrǵan festıvalimiz. Oǵan organıkalyq, tabıǵı, ekologııalyq taza ónim shyǵaratyn jáne satatyn kompanııalar qatysady. Bul joly da qazaqstandyq óndirýshilerdiń ónimderi kelýishilerdiń nazaryna usynylyp otyr. Bizdiń negizgi maqsatymyz - halyqtyń basym bóligine ekologııalyq ónimderdi tanystyrý», - dedi festıvaldi uıymdastyrýshylardyń biri Samına Arǵynǵazına BAQ ókilderine bergen suhbatynda.
Qonaqtarǵa yńǵaıly bolýy úshin kórme aýmaǵy ESO termınine saı keletin 7 alańǵa bólingen: ESO-tamaqtaný, ESO-úı, ESO-sulýlyq, ESO-san, ESO-sport, ESO-bala jáne Made in KZ aımaǵy.
Festıval aıasynda álem halyqtary bıiniń solısi Anel Marabaeva, Almaty Marathon race dırektory Saltanat Qazybaeva syndy spıkerler salaýatty ómir saltyn, eko-mádenıetti, sport jáne durys tamaqtaný salalaryn nasıhattaý maqsatynda sóz sóıleıdi dep kútilýde.
Uıymdastyrýshylardyń aıtýynsha, sharaǵa qatysýshylardyń qatary jyldan-jylǵa artyp keledi. Máselen, alǵashqy festıvalge organıkalyq ónim óndiretin 45 kompanııa qatyssa, al bul joly olardyń qatary 80-nen asyp otyr.