Astanada oralmandardyń jańa ortaǵa beıimdelýi týraly semınar-trenıng ótti
19:06, 19 Tamyz 2013
ASTANA. 19 tamyz. QazAqparat - Tamyzdyń 17-si kúni Astana qalasyna qonys aýdarǵan oralmandardyń qatysýymen kóshi-qon salasynyń quqyqtyq jáne basqarý, uıymdastyrý máseleleri, sondaı-aq qonys aýdarýshy aǵaıyndardyń jańa ortaǵa beıimdelý máseleleri, oralman mártebesiniń quqyqtyq, áleýmettik erekshelikteri baspana, jumysqa ornalasý, jastar men balalardyń bilim alýy t.b. ózekti máseleler boıynsha semınar-trenıng ótti. Bul týraly «Meıirim-Demeý» qoǵamdyq birlestigi habarlap otyr.
Semınar-trenıngini oralmandardyń respýblıkalyq «Asar» qoǵamdyq birlestiginiń tóraǵasy, ekonomıka ǵylymdarynyń kandıdaty Qaırat Bodaýhan júrgizip, oralmandardyń kókeıkesti máseleleri týraly oı bólisti.
Bul is-shara Astana qalasy ákimdiginiń Іshki saıasat basqarmasynyń qoldaýymen memlekettik áleýmettik tapsyrys negizinde ótkizildi. Trenıngti uıymdastyrýshy - «Meıirim-Demeý» qoǵamdyq birlestigi.