Astanada «Ór Torǵaı - erlik mekeni» atty jańa kitaptyń tanystyrylymy ótti
Kitap «Ór Torǵaı-erlik mekeni» atty ekspedıtsııanyń júrip ótken jolyn, óńirdegi tarıhı eskertkishter jaıly qundy derekterdi, osy barystaǵy ekspedıtsııanyń atqarǵan isterin arqaý etken.
«Qazaqtyń ór rýhty ólkesiniń biri - Torǵaı dalasy. Osy qasıetti mekende el tarıhynda alar orny zor iri oqıǵalardyń bolǵany belgili. Solardyń biri 1916 jylǵy halyq kóterilisi. Ótken jyly osy kóterilistiń 100 jyldyǵyna oraı uıymdastyrylǵan «Ór Torǵaı - erlik mekeni» ekspedıtsııasynyń quramynda bolyp, Aqmola-Qaraǵandy-Qostanaı oblystary aýmaǵyndaǵy 2500 shaqyrym joldy júrip óttim. Mine, sol maǵynaly, mándi sapardyń áserimen, kórgen-túıgenimdi baıan etken jol jazbamdy oqyrmanmen bólisip otyrmyn. Búgingi jas urpaq el tarıhyn tereń tanyp, qundy tarıhı eskertkishterimiz týraly bilip, batyr babalarymyzdyń ór rýhyn úlgi etip ósse dep oılaımyn» - deıdi kitap avtory Abylaı Maýdanov.
Atalǵan sharaǵa tarıhı ekspedıtsııanyń uıymdastyrýshylary Jomart Túbekbaev, Meıram Aıdabolov, Birjan Meshelov jáne tarıh ǵylymdarynyń kandıdaty Qurmanǵalı Dárkenov, belgili ólketanýshy, «Búkilálemdik Shyńǵyshan akademııasynyń» qurmetti akademıgi Shóptibaı Baıdildın, Belgili jýrnalıst Anar Tóleýhan, Azamat Esenjol, aqyn Saılaý Jylqybaev qatysyp qundy oı-pikirlerimen bólisti.
Esterińizge sala keteıik, ótken jyldyń qyrkúıek aıynda, quramynda belgili ǵalymdar men ólketanýshylar jáne jýrnalıster bar arnaıy top qatysqan «Ór Torǵaı - erlik mekeni» atty ekspedıtsııa uıymdastyrylǵan bolatyn.
Ekspedıtsııa ótken jyldyń basty merekesi - el Táýelsizdiginiń 25 jyldyǵymen qatar, tarıhymyzda óz orny bar iri oqıǵalardyń biri - 1916 jylǵy halyq kóterilisine 100 jyl tolýyna arnalǵan. Ideıa bastamashysy ári uıymdastyrýshysy - «Torgay expedition» tobynyń belsendileri. Aptaǵa sozylǵan ekspedıtsııa barysynda olar eki jarym myń shaqyrym joldy basyp ótip, tarıhı mańyzy zor otyzdan astam nysanǵa barǵan. Sondaı-aq, Ábdiǵapar hannyń qany tógilgen Záýre qopasy men Keıki týǵan Baıtuma qonysyna arnaıy eskertkish belgi qoıyldy.