Astanada «Ónerimiz saǵan, Qazaqstan!» atty festıvaldiń gala-kontserti ótedi
22:14, 19 Qarasha 2015
ASTANA. QazAqparat - Erteń, 20 qarasha kúni Astana qalasyndaǵy Beıbitshilik jáne kelisim saraıynda «Ónerimiz saǵan, Qazaqstan!» atty festıvaldiń gala-kontserti ótedi.
Osy bir erekshe sharaǵa qazaq halqynyń ulttyq ónerin jetik meńgergen etnostyq toptardyń ókilderi qatysyp, óz ónerlerin ortaǵa salady.
Memleket basshysynyń Jarlyǵymen 2015 jyl - Qazaqstan halqy Assambleıasy jyly dep jarııalanǵany belgili. Osyǵan oraı elimizde beıbit ómir súrip jatqan ulttar men ulystardyń ókilderi kóptegen mádenı is-sharalar ótkizgen bolatyn. Mine, endi óner festıvali ótkeli tur.
Bul sharany Qazaqstan Respýblıkasy Mádenıet jáne sport mınıstrligi men Qazaqstan halqy Assambleıasy uıymdastyryp otyr.
Atalǵan gala-kontsertke memleket jáne qoǵam qaıratkerleri, Parlament Senaty men Májilisiniń depýtattary shaqyryldy.