Astanada Olımpıada oıyndaryna arnalǵan shtab ashyldy

<p>Búgin Týrızm jáne sport mınıstrligi janynan Kanvon-2024 qysqy jasóspirimder Olımpıadasy men Parıj-2024 jazǵy Olımpıada jáne Paralımpıadaǵa daıyndyq jumystaryna arnalǵan shtabtyń ashylýy ótti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Týrızm jáne sport mınıstrliginiń baspasóz qyzmeti málim etkendeı, 2023 jylǵy 13 jeltoqsanda sport sarapshylarynyń qatysýymen jasóspirimder Olımpıadasy men Jazǵy Olımpıada jáne Paralımpıadaǵa Ulttyq qurama komandalarynyń jumysyn uıymdastyrýǵa arnalǵan shtab qurý týraly mınıstrliktiń buıryǵy qabyldanǵan bolatyn.

Atalǵan shtab Memleket basshysynyń Týrızm jáne sport mınıstrligi, Ulttyq Olımpıada komıteti jáne sport federatsııalary birlese jumys isteý kerek degen tapsyrmasyn oryndaý maqsatynda quryldy. Shtabtyń negizgi jumysy – sportshylardyń aldaǵy jarystarǵa sapaly daıyndyǵyn qamtamasyz etý. Shtab barlyq keshendi jarystar aıaqtalǵanǵa deıin turaqty negizde jumys isteıtin bolady.

Shtabtyń quramyna 6 adam kirdi:

1. Qanaǵatov E.B. - QR UOK sport departamentiniń dırektory;
2. Sápıev S.J. – QR UOK Bas hatshysynyń orynbasary;
3. Ahmetshárip D.S. – qoǵam jáne buqaralyq aqparat quraldarymen baılanys jóninde mınıstr keńesshisi;
4. Nursafına A.T. – Qazaqstan Týrızm jáne sport mınıstrligi Sport jáne dene shynyqtyrý isteri komıtetiniń «Sportty damytý dırektsııasy» RMQK kórkem gımnastıkadan komanda basshysy;
5. Aldonǵarov N.J. – Qazaqstan Týrızm jáne sport mınıstrligi Sport jáne dene shynyqtyrý isteri komıtetiniń «Sportty damytý dırektsııasy» RMQK sporttyq órmeleýden komanda basshysy;
6. Qııatbaı B.B. – «Ulttyq konkıshiler federatsııasy» Respýblıkalyq qoǵamdyq birlestiginiń sporttyq dırektory.

Іs-sharaǵa Olımpıada jeńimpazdary men júldegerleri jáne bıylǵy álem birinshilikteri men halyqaralyq jarystardyń jeńimpazy men júldegeri, sport jýrnalısteri qatysty.