Astanada oqýshylar arasynda respýblıkalyq debat týrnıri bastaldy
Jarysqa elimizdiń barlyq aımaǵynan oblystyq týrnırlerdiń 100-den astam jeńimpazy qatysyp jatyr.
«Elimizdegi bilim ordalarynda debat qozǵalysy belsendi damyp keledi. Búgingi kúni 6 myńǵa jýyq debat klýby bar, olarǵa 100 myńnan astam oqýshy barady. Bul oqýshylardyń pikirsaıysqa degen úlken qyzyǵýshylyǵyn aıǵaqtaıdy. Pikirtalas balalardyń óz ustanymdaryn dáleldeýge, quqyqtyq mádenıetin, azamattyq belsendiligin arttyrýǵa kómektesedi. Shyǵarmashylyq jáne synı oılaý, toppen jumys isteý qabiletin damytady. Týrnır qorytyndysy boıynsha el mektepteriniń úzdik oratory (pikirsaıysshy) anyqtalady. Debat – «Oqýǵa qushtar mektep», mektep parlamentteri, shahmat jáne robototehnıka sııaqty mınıstrlik júzege asyratyn basym jobalardyń biri», - deıdi QR Oqý-aǵartý mınıstrligi respýblıkalyq qosymsha bilim oqý-ádistemelik ortalyǵynyń dırektory Raısa Sher.
Respýblıkalyq debat týrnıriniń jeńimpazdary I, II, III dárejeli dıplomdarmen jáne baǵaly syılyqtarmen, úzdik spıkerler dıplomdarmen, al komanda jattyqtyrýshylary alǵys hattarmen marapattalady.
Týrnırdiń barlyq qatysýshysyna sertıfıkat beriledi.