Astanada oqýshy joǵarǵy qabattan sekirip mert boldy

<p><span style="font-family: sans-serif; font-size: 18px;">Elordada jasóspirim joǵary qabattan sekirip, kóz jumdy, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.</span></p>

«2023 jylǵy 20 qyrkúıekte Astana qalasyndaǵy kópqabatty úılerdiń biriniń aýlasynan jasóspirimniń máıiti tabyldy. Aldyn ala aqparat boıynsha ol úıdiń terezesinen qulap ketken. Atalǵan fakti QR Qylmystyq kodeksiniń 105-baby 3-bóligine sáıkes tirkeldi. Bolǵan oqıǵanyń mán-jaıy anyqtalyp jatyr. Osy oraıda resmı aqparatqa súıenýdi suraımyz», - delingen polıtsııa dereginde.

Aqparatta aıtylǵandaı, QR Qylmystyq-protsestik kodeksiniń 201-baby negizinde tergeý múddesi úshin sotqa deıingi tergep-tekserý protsesi men ózge de derekter jarııalanbaıdy.

Sondaı-aq, qalalyq bilim basqarmasy da qaıǵyly jaıtqa túsinik berdi.

«Jasóspirimniń qaıǵyly qazasy faktisi boıynsha tergeý sharalary bastaldy. Tergeý barysynda oqıǵanyń búkil mán-jaıy anyqtalady. Qalanyń bilim basqarmasy marqumnyń otbasyna kóńil aıtady», - deıdi vedomstvodan.