Astanada oqýshy sýǵa batyp bara jatqan bes jasar balany qutqaryp qaldy

<p>ASTANA. KAZINFORM &mdash; Astanada 11-synyp oqýshysy Marlen Kósherbaı erligimen kózge túsip, ózenge batyp bara jatqan búldirshindi qutqaryp qaldy, dep habarlaıdy elorda ákimdiginiń resmı saıty.</p>

№52 mektep-gımnazııasynyń 11 «A» synyp oqýshysy Marlen Kósherbaı elordalyq úılerdiń biriniń qasynda ózenge batyp bara jatqan balany qutqaryp qaldy.

12 mamyr kúni saǵat 11 shamasynda Marlendi qaryndasy oıatyp, ózenge bir balanyń batyp bara jatqanyn aıtady. Marlen birden úıdiń janyndaǵy ózenge qaraı júgirip, sýǵa batyp bara jatqan búldirshinge kómekke umtylyp, sýdan aman-esen shyǵaryp aldy. 

Foto: Astana ákimdigi

Marlen Kósherbaı – oqýynyń úzdigi, sportpen turaqty aınalysady. Belbeý kúresinen jasóspirimder arasynda Astananyń ashyq birinshiliginde 55 keli salmaqta «altyn» jeńip alǵan, sol sııaqty «Arshaly Barysy» týrnıriniń ІІ oryn ıegeri. Bala kezinen kókpar sportyna qatysady.

Beıbit zamannyń batyry óz sózinde kishkentaı balanyń ólim men ómirdiń ortasynda turǵanyn kórgende, oılanbastan kómekke umtylǵanyn aıtty. Búgin Marlen kórsetken erligi men batyldyǵy úshin Astana qalasy Bilim basqarmasy men TJ departamentiniń atynan marapattaldy.