Astanada Nurǵısa Tilendıev atyndaǵy «Óz elim» festıvali ótedi

ASTANA. QazAqparat - 29 naýryz ben 1 sáýir aralyǵynda Astana qalasynda Nurǵısa Tilendıev atyndaǵy «Óz elim» atty IV kezekti festıvali ótedi. Mádenı sharaǵa Reseı men Qazaqstannan kásibı oryndaýshylar, dombyrashylar men dırıjerler jınalady, dep habarlaıdy elorda ákimdiginiń baspasóz qyzmetinen.

16-35 jas aralyǵyndaǵy talantty ónerpazdar qatysatyn baıqaý klassıkalyq vokal (erler jáne áıelder), dombyra jáne dırıjerler atalymdary boıynsha 2 aınalymmen ótedi. Baıqaýǵa mýzyka álemindegi tanymal mamandar men kórnekti mádenıet qaıratkerlerinen quralǵan bilikti qazylar alqasy tórelik etedi. Festıval 30 naýryzda Astanadaǵy Qazaq ulttyq óner ýnıversıtetiniń «Shabyt» saraıynda jáne Kongress-holl kontsert zaldarynda bastalady. Ekinshi aınalym 31 naýryz kúni bolady. Mýzykalyq baıqaýdyń qatysýshylary bas júlde - Astana qalasy ákiminiń kýbogyn sarapqa salady. Sondaı-aq «Gran-prı» jáne «Festıval laýreaty» júldeleri beriledi, odan basqa birinshi, ekinshi jáne úshinshi oryndar, sondaı-aq ataýly medaldar tabys etiledi. Shara 1 sáýir kúni Kongress-hollda mýzykalyq festıvaldiń qazylar alqasynyń músheleriniń jáne laýreattarynyń qatysýymen bolatyn gala-kontsertpen aıaqtalady.