Astanada Naýryz merekesine oraı 100-den astam is-shara ótedi
Astana ákimdiginiń resmı saıtynda málim etilgendeı, 15 naýryz kúni saǵat 12:00-de ortalyqtandyrylǵan kitaphana júıesi «Armysyń, áz – Naýryz» merekelik keshin, al 16 naýryz kúni saǵat 16:00-de «Nur sebele, Ulystyń uly kúni Naýryz!» is-sharasyn ótkizedi.
16-17 naýryz kúnderi qalanyń bilim berý uıymdarynda oqýshylarǵa arnap arnaıy taqyryptaǵy kórmeler, kitaphanalar men murajaılarda konferentsııalar, sondaı-aq ardager ustazdarmen kezdesýler, teatrlandyrylǵan qoıylymdar, konkýrstar daıyndalady.
«Órken» oqý ortalyǵynda «Naýryz toıy bastaldy» ulttyq oıyn túrlerinen týrnır ótedi.
16 naýryz kúni saǵat 19:00-de «Jastar» saraıy «Naýryz meıramy qutty bolsyn!», al 17 naýryz kúni saǵat 19:30-da «Naýryz – dýman» merekelik baǵdarlamasyn uıymdastyrady.
16-28 naýryz kúnderi saǵat 10.00-18.00 aralyǵynda Sáken Seıfýllın murajaıynda «Qosh keldiń, áz-Naýryz!» atty merekelik kórme ótedi.
L.N. Gýmılev atyndaǵy EUÝ-da 17 naýryz kúni fakýltetter arasynda merekelik kontsert pen dastarhan jaıý boıynsha konkýrs ótedi.
Elordanyń Qýyrshaqtar teatrynda 17-31 naýryz aralyǵynda jas kórermender úshin «Naýryz – dýman» qýyrshaq shoýy uıymdastyrylady.
17 naýryzda E. Rahmadıev atyndaǵy Memlekettik akademııalyq fılarmonııada «Palıtra sozvýchıı» kontsertine shaqyrady, onda Kameralyq hor Gambýrg áıelder horymen (Germanııa) birlesip, arnaıy ázirlengen baǵdarlamany usynady. 20 naýryz kúni saǵat 19:00-de osy sahnada mádenıet salasyndaǵy «Naýryz ulttyq syılyǵy» is-sharasy ótip, ulttyq syılyq tabystalady.
Sol kúni ál-Farabı atyndaǵy Oqýshylar saraıy «Qara jorǵa» bıinen fleshmob jáne «Naýryz – dýman» kúıler chellendjin daıyndap otyr.
21 naýryz kúni keshki saǵat 18:00-de Mýzykalyq jas kórermen teatry «Jazdyń sońy» premeralyq qoıylymyn usynady. Al 22 naýryzda dál osy sahnada «Abaı-Toǵjan» mýzykalyq dramasy, al 23 naýryzda – «Gaýhartas» mýzykalyq-dramalyq qoıylymynyń premerasy kórsetiledi.
21 naýryz kúni saǵat 19:00-de «Qazaqstan» OKZ-da «Ánim sen ediń» kontserti ótedi. Sahnada elimizdiń jetekshi solısteri, jas ári talantty oryndaýshylar, zamanaýı estradanyń tanymal juldyzdary qazaqtyń belgili kompozıtory Shámshi Qaldaıaqovtyń ánderin oryndaıdy.
21-23 naýryz aralyǵynda EKSPO halyqaralyq kórme ortalyǵynyń aýmaǵynda «Naýryz bazary» Shyǵys jármeńkesi ótedi. Shyǵys jármeńke etnostıldegi kıimderdiń, zergerlik buıymdardyń, keramıka, metall, kıiz jáne jibekten jasalǵan zattardyń, kádesyılardyń jańa toptamalaryn usynady. Naǵyz gýrmandardy shyǵys taǵamdary festıvali kútedi. Jármeńke kún saıyn jumys isteıdi: 21 naýryz saǵat 13.00-den 18.00-ge deıin, 22 jáne 23 naýryz kúnderi saǵat 09.00-den 18.00-ge deıin.
21 naýryz kúni saǵat 13:00-de EKSPO aýmaǵyndaǵy Nur Alem sferasynyń janyndaǵy ashyq alańda «Naýryz meıramy» kóshpeli órkenıet festıvali ashylady. Ol sondaı-aq 22 jáne 23 naýryzda saǵat 11.00-den 18.00-ge deıin jumys isteıdi. Festıval aıasynda merekege oraı elorda turǵyndary arasynda ulttyq sport túrleri boıynsha jarystar ótedi.
Festıval elordanyń basqa da aýdandarynda uıymdastyrylady. Máselen, Qazaq e li monýmentiniń alańynda jáne qalalyq alańda 21 jáne 22 naýryzda saǵat 11:00-den 16:00-ge deıin, 23 naýryzda 11:00-den 14:00-ge deıin ótedi.
Aýqymdy is-sharalar kelesi eldi mekenderde uıymdastyrylady :
Almaty aýdany:
- «Temirjolshylar» eldi mekeni;
- «Jeruıyq» saıabaǵy;
- «Kúıshiler» alleıasy;
- «Internatsıonalnyı» eldi mekeni;
- «Mıchýrıno» eldi mekeni.
Esil aýdany:
- «Úrker» eldi mekeni;
- «Baıterek» monýmenti;
- «Prıgorodnyı» eldi mekeni;
- «Jaǵalaý» núlzary;
- «Arnaý» turǵyn úı kesheni;
- «Zelenyı kvartal» turǵyn úı kesheni;
- «Nazarbaev-Ortalyǵy».
Saryarqa aýdany:
- «Kóktal» saıabaǵy;
- «Qorǵaljyn» saıabaǵy;
- «Agroqalashyq» eldi mekeni.
Baıqońyr aýdany:
- «Atatúrik» saıabaǵy;
- «Jazýshylar» alleıasy;
- «Kırpıchnyı» eldi mekeni;
- «Kazgorodok» eldi mekeni;
- «Óndiris» eldi mekeni.