Astanada nasybaı satqan kásipkerler jazaǵa tartyldy

<p><strong>ASTANA. KAZINFORM &ndash; </strong><strong>Memleket basshysynyń tapsyrmasyn oryndaý maqsatynda Astana qalasy Almaty aýdany ákimdigi 2024 jylǵy 18 naýryz ben 23 mamyr aralyǵynda aýdandyq polıtsııa bólimimen, belsendilermen jáne jastarmen birlesip, nasybaı men men snıýsty zańsyz satý boıynsha kásipkerlik nysandarynda reıdter júrgizdi.</strong></p>

Іs-sharanyń basty maqsaty – shegilmeıtin temeki ónimderin paıdalanýdyń zııany týraly túsindirme áńgime júrgizý.

Reıd barysynda 200-den astam nysan nazarǵa alynǵan. Nátıjesinde 64 fakti anyqtaldy, onyń ishinde:

- 42 shegilmeıtin temeki ónimderin (nasybaı) ótkizý faktisi. Barlyq faktiler boıynsha QR ÁQBtK-niń 196-baby boıynsha 25 AEK mólsherinde aıyppul salý túrindegi ákimshilik jaza qoldanýmen ákimshilik hattamalar toltyryldy;

- Mekemelerde temeki ónimderin (kalıan) tutynýdyń 21 faktisi boıynsha QR ÁQBtK-niń 441-baby boıynsha ákimshilik hattamalar túzilip, 15 AEK somasynda aıyppul salý túrindegi ákimshilik jaza qoldanyldy;

- jıyrma bir jasqa tolmaǵan adamdarǵa temeki ónimderin satýdyń 1 faktisi tirkeldi. QR ÁQBtK-niń 423-1 baby boıynsha 15 AEK mólsherinde aıyppul salý túrindegi ákimshilik jaza qoldaný arqyly ákimshilik hattama toltyryldy.

Tárkilengen shegilmeıtin temeki ónimderi joıyldy.

Sondaı-aq, reıd barysynda shaǵyn jáne orta bıznes sýbektilerimen shegilmeıtin temeki ónimderin satýdyń aldyn alý jóninde profılaktıkalyq áńgime júrgizildi.

Jyl basynan beri temeki ónimderin, onyń ishinde kalıandy tutynýdyń 270 faktisi anyqtalǵanyn atap ótken jón. Bir ǵana mamyr aıynda 42 fakt tirkelgen.

Jalpy, nasybaıdy satýdan bólek, ony qoǵamdyq oryndarda tutynýǵa tyıym salynǵanyn bireý bilse, biri bilmes. Atap aıtqanda, bilim berý men densaýlyq saqtaý uıymdary, mádenıet nysandary, qoǵamdyq tamaqtaný oryndary, poıyz, ushaq, áýejaı, vokzal men aıaldamalarda tutynýǵa bolmaıdy. Sondaı-aq memlekettik mekemeler, jumys orny, turǵyn úıdiń kireberisi, janarmaı quıý beketi, balalar alańy men kámeletke tolmaǵan balalardyń kózinshe avtokólikte paıdalanýǵa tyıym salynǵan. Atalǵan jerlerde tutynǵan adamǵa 15 AEK-ke, bir jyl ishinde qaıtalanǵan jaǵdaıda 20 AEK-ke deıin aıyppul salynady.

Memleket basshysy Atyraýda ótken quryltaıda:

«Densaýlyqqa zııan ári uıat ádettiń biri – nasybaı atý. Onyń qalaı jasalatyny belgili. Eshqandaı sanıtarlyq talap saqtalmaıdy. Quramynda túrli dertti, onyń ishinde onkologııalyq aýrýlardy qozdyratyn zattar bar. Bizdiń azamattar aýzyna nasybaı salyp, qaqyryp-túkirip júredi. Osy jaǵymsyz qylyqty ata dástúri sanaıdy», - degen edi.