Astanada myńnan asa áke balalaryna alıment tóleýden qasaqana jaltaryp júr
«Ádilet departamentinde qazirgi kúni alımenttik tólemderdi óndirip alýǵa qatysty 18142 atqarý qujattary jatyr. Olardyń ishinde merzimdik atqarýlardy quraıtyn 14651 óndiris qujaty bar. Al 2298 qujat boıynsha boryshkerler alımentterdi óz erikterimen tóleıdi, 1293 atqarýshylyq qujat bizde problemaly, ıaǵnı osy ister boıynsha «boryshker ákeler» óz balalaryna aqsha tóleýden qasaqana jaltarady», - dedi brıfıng barysynda Ádilet departamentiniń basshysy Qanat Mýsın.
Onyń sózine qaraǵanda, alımenttik tólemderdi májbúrli túrde óndirý maqsatynda astanalyq departament tólemnen jaltarýshylarmen kúrestiń zań sheńberindegi sharalar aýqymyn keńinen qoldanyp jatyr.
Máselen, búgingi kúni ondaı jeke tulǵalar úshin aıyppul 10 AEK deıin nemese 10 táýlikke qamaý qarastyrylsa, jaýapty tulǵalar úshin 20 AEK kórsetilip otyr. «Bundaı sharalar shyndyǵynda tıimdiligin kórsetip jatyr. Máselen, Astana qalasynyń turǵyny QR Ákimshilik quqyq buzýshylyq týraly kodekstiń 669 babymen jaýapkershilikke tartylǵannan soń, 684 500 myń teńgeni quraıtyn alımenttik qaryzyn tolyq ótedi. Jyl basynan beri departament QR Ákimshilik quqyq buzýshylyq týraly kodekstiń 669 baby boıynsha sot sheshimin oryndamaı qasaqana jaltaryp júrgen 60 qaryzgerdi jaýapqa tartty, bul shara óz nátıjelerin berip te jatyr», dep atap ótti Departament basshysy.