Astanada mopedshi KamAz-ǵa soǵylyp qaıtys boldy

<p>ASTANA. KAZINFORM &ndash; Elorda turǵyny moped rýlin basqara almaı KamAz-ǵa soǵylǵan. Bul týraly Astana qalalyq Polıtsııa departamenti habarlady.</p>

«25 tamyzda saǵat 21:14 shamasynda moped júrgizýshisi Qabanbaı batyr dańǵylynan Aqmeshit kóshesine qaraı Saraıshyq kóshesimen kele jatyp, rýldi basqara almaı, turǵan «KamAZ» avtokóligine soqty. Apat saldarynan moped júrgizýshisi oqıǵa ornynda qaıtys boldy», - delingen elorda polıtsııasynyń baspasóz qyzmeti taratqan aqparatta.

Atalǵan fakti boıynsha qylmystyq is qozǵaldy, tergeý júrip jatyr.

Aıta keteıik, Іshki ister mınıstrliginiń málimetinshe, bıyl mopedterge qatysty jol-kólik oqıǵasynda 40-tan astam adam mert bolǵan. 

Eske sala ketsek, bir apta buryn Almatyda jaryǵy joq kóshede mopedshi qorshaýǵa soǵylyp, mert boldy.