Astanada monıtorıngtik top 160 adamǵa arnalǵan qyz uzatý toıynyń ústinen tústi

NUR-SULTAN. QazAqparat – Polıtsııa, ákimdik jáne sanıtarlyq-epıdemıologııalyq baqylaý basqarmasynyń ókilderi qataryndaǵy mobıldik toptar karantın rejıminiń buzylýyn anyqtaýdy jalǵastyrýda, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Jeksenbi kúni saǵat 18:34-te «Qyzylqum» meıramhanasynda jasalǵan reıd barysynda monıtorıngtik top «Qyz uzatý» saltanatynyń ústinen túsken. Tekserýshiler kelgen kezde toı naǵyz qyzǵan shaǵynda bolǵan. Mekeme ǵımaratynda 160 adam kóńil kóterip, toılatqan. Olardyń arasynda qarttar men jas balalar bar.

«Adamdar tobynda birneshe saǵat ótkizgen beıqam azamattar ózderiniń densaýlyǵyna ǵana emes, aınalasyndaǵylardyń ómiri men densaýlyǵyna da qater tóndiretinin túsinbeıdi», – deıdi Nur-Sultan polıtsııa departamentiniń jergilikti polıtsııa qyzmetiniń bastyǵy Arman Aıtmaǵambetov.

Toıhana ıelerine qatysty jınalǵan materıal QR ÁQBtK-niń 425-baby boıynsha ákimshilik is júrgizý úshin ýákiletti organǵa jiberildi.

Nur-Sultan qalasynyń polıtsııa departamenti kásipkerlerdi sanıtarlyq normalardy saqtaýǵa shaqyrady. Polıtseıler azamattarǵa kópshilik is-sharalarǵa qatyspaýǵa jáne otbasylyq merekelerdi ótkizbeýge keńes beredi.