Astanada myńnan astam adam áskerge shaqyrylady

<p>Qazaqstanda azamattardy kúzgi merzimdi áskerı qyzmetke shaqyrý naýqany bastaldy. Elordada myńnan astam adamǵa shaqyrý jiberiledi, dep habarlaıdy QazAqparat tilshisi.</p>

2023 jylǵy 28 jeltoqsanǵa deıin Qarýly Kúshterdiń, basqa da áskerler men áskerı quralymdardyń qataryn áskerge shaqyrýdy keıinge qaldyrýǵa nemese odan bosatýǵa negizderi joq 18 ben 27 jas aralyǵyndaǵy 19 myńnan astam er azamat tolyqtyrady. Solardyń ishinde myńnan astamy Astana qalasynan shaqyrylady.

«Ótken jylǵy áskerge shaqyrýmen salystyrǵanda bıyl Qarýly Kúshterge jáne Memlekettik kúzet qyzmetine áskerge shaqyrylatyn jas býynnyń sany ulǵaıtyldy. 2023 jyly 2022 jylmen salystyrǵanda josparly tártipte jas býynnyń sany 2 024 adamǵa ulǵaıtyldy. Merzimdi qyzmetke áskerge shaqyrý jáne onyń belgilengen merzimin ótkergen áskerı qyzmetshilerdi zapasqa shyǵarý qoldanystaǵy zańǵa sáıkes uıymdastyrylyp, júrgiziledi», - dedi Astana qalasy Qorǵanys isteri departamentiniń bastyǵy Aıdyn Saǵynbekov Astana kommýnıkatsııalar qyzmetinde ótken brıfıngte.

Áskerge shaqyrylýǵa tıisti er azamattardy habardar etý jeke shaqyrtý qaǵazyn joldaý arqyly júzege asyrylady. Shaqyrtý qaǵazy turǵylyqty mekenjaıyna nemese jumys oryndaryna jetkiziledi.