Astanada myń oryndyq «Stýdentter úıi» salynady

<p>ASTANA. KAZINFORM &ndash; Qazirgi tańda elordada 32 tehnıkalyq jáne kásiptik bilim berý uıymy jumys isteıdi. Onda 36 287 stýdent oqıdy, onyń 20 myńnan astamy &ndash; grant ıegerleri. Bul týraly Astana qalasynyń ákimdigi habarlady.</p>

Kásiptik bilim berýdi damytý týraly kommýnıkatsııalar qyzmetinde ótken brıfıngte Astana qalasy Bilim basqarmasynyń basshysy Qasymhan Senǵazyev aıtty. 

Foto: gov.kz

Basqarma basshysynyń aıtýynsha, 2025 jylǵa qaraı elordadaǵy jastardyń 100 paıyzy tegin tehnıkalyq jáne kásiptik bilimmen qamtamasyz etiledi.

Rezıdent emes stýdentterdi jataqhanalardaǵy oryndarmen qamtamasyz etý maqsatynda 1000 oryndyq «Stýdentter úıi» salynady.

Suranysqa ıe kadrlardy daıarlaý úshin mamandarǵa qajettiliktiń óńirlik kartasy – jańa kásipter atlasy ázirlendi.

«Qalanyń eńbek naryǵynda aldaǵy 3-5 jylda suranysqa ıe bolatyn mamandyqtar týraly túsinik paıda boldy.

Bıyl qalanyń kásiporyndarymen, sondaı-aq óńirlik kásipkerler palatasymen birlesip, dýaldy oqytý boıynsha jumys júrgizildi. Búgingi tańda dýaldy oqytý júıesine 298 kásiporynnyń qatysýymen 60 mamandyq boıynsha 23 kolledj tartyldy», - dedi Qasymhan Senǵazyev.

2023 jyly elordalyq úsh kolledjde alǵash ret 10-11 synyp oqýshylaryna (170 oqýshy) arnalǵan mamandyqtar boıynsha eksperımenttik bilim berý baǵdarlamalary engizildi.

Pılottyq jobaǵa sáıkes, 1,5 jyldan keıin orta bilim týraly attestatpen birge oqýshylar tiginshi, aspaz, avtogazben dánekerleýshi mamandyqtary boıynsha dıplom alady.

Sonymen qatar bıyl kásiporyndar men uıymdardyń ótinimderi boıynsha kadrlardy nysanaly daıarlaýǵa memlekettik tapsyrys 500-den 1000 orynǵa deıin ulǵaıdy.

2023 jyldyń qorytyndysy boıynsha kolledjdi 7,5 myń stýdent bitirdi, onyń ishinde 6,4 myń stýdent jumysqa ornalastyryldy (3,5 myń stýdent mamandyq boıynsha jumysqa ornalasty).