Astanada meshitten aıaq kıim urlaǵan er adam vıdeoǵa túsip qaldy

<p>ASTANA. KAZINFORM &mdash; Elorda turǵyny aıaq kıiminiń urlanǵanyn aıtyp polıtsııaǵa aryzdandy. Óziniń aıtýynsha, qaladaǵy meshitterdiń birinde belgisiz bireý quny 30 myń teńge turatyn krossovkasyn urlap ketken.</p>

«Krımınaldyq polıtsııa basqarmasynyń qyzmetkerleri jedel-izdestirý barysynda beınebaqylaý kameralaryna túsip qalǵan 28 jastaǵy er adamdy anyqtap, ustady. Vıdeodan onyń sóre janyndaǵy aıaq kıimge qarap turǵanyn kórýge bolady. Ózine unaǵan aıaq kıimdi tańdap kıip, meshitten shyǵyp ketken. Er adam kinásin moıyndady», — deıdi Astana qalasynyń polıtsııa departamentinen.

Qazir urynyń basqa da osyndaı qylmystarǵa qatysy bar-joǵy anyqtalyp jatyr.

«Elorda turǵyndary men qonaqtaryna qyraǵy bolýǵa jáne baǵaly zattardy qaraýsyz qaldyrmaýǵa keńes beremiz», -deıdi polıtsııadan.