Astanada meshit qyzmetkerin pyshaqtap ketti

ASTANA. QazAqparat – Astanadaǵy meshitterdiń birinde sharýashylyq qyzmetkerin pyshaqtap ketti. Bul týraly Qazaqstan musylmandary dinı basqarmasynyń baspasóz hatshysy Aǵabek Qonarbaıuly málim etti, dep habarlaıdy QazAqparat.

«Aýyr jaraqat alǵan meshit qyzmetkeri dárigerlerdiń baqylaýynda. Jaǵdaıy aýyr.

Meshittiń sharýashylyq jumystaryn júrgizetin qyzmetkerdi sýyq qarýmen jaraqattaǵan kúdikti ustaldy. Buryn sottalǵan. Qazir tergeý jumystary júrgizilip jatyr. Bolǵan oqıǵa sebepteri anyqtalýda.

Aldyn ala málimet boıynsha qylmystyq oqıǵaǵa otbasylyq qaqtyǵystar, dálirek aıtqanda kúdikti azamat pen onyń áıeli arasyndaǵy daý-janjal sebep bolǵan», - dep jazdy A.Qonarbaıuly Facebook-tegi paraqshasynda.

QMDB ókili buqaralyq aqparat quraldaryna qosymsha resmı málimet beriletinin atap ótti.