Astanada «Mereıli otbasy» baıqaýynyń úzdikteri marapattaldy
«Mereıli otbasy» ulttyq konkýrsy otbasy qundylyqtaryn nasıhattaý, otbasy mártebesin arttyrý maqsatynda jyl saıyn ótkiziledi.
Bıyl konkýrsqa qatysýǵa 151 otbasy qujat tapsyrdy (2019 jyly – 63, 2021 jyly – 120).
Іs-shara kezinde kórermen qaýym ár januıanyń ómirbaıanymen tanysty. Ekranda otbasylar jaıly beınematerıaldar kórsetildi.
Jeńimpaz otbasylar: ІІІ oryn Aıtqulovtar jáne Júnisbekovter otbasy. ІІ oryn Áýelovter jáne Oljabaevtar otbasy. І oryn Saǵıtovtar áýleti.
Saǵıtovtar áýleti búginde 3 qyz, 3 ul tárbılep otyr. Otaǵasy Dýlat Saǵıtov 45 jasta. Múmkindigi shekteýli jandarǵa arnalǵan paralımpıadalyq jattyǵý ortalyǵynda jumys isteıdi. Analary Aınagúl Saǵıtova 40 jasta. Qyzdarynyń bári respýblıkalyq bı jarystaryna qatysyp, júldeli oryndarǵa ıe bolǵan. Olardyń biri kórkem gımnastıkadan 1-razrıadqa ıe. Úlken uly «Astana» hokkeı klýbynda sporttyq karerasyn bastaǵan.
Sondaı-aq 10 áýlet túrli nomınatsııa boıynsha úzdik dep tanyldy:
«Úlgili otbasy» nomınatsııasy – Nurǵalıevtar otbasy;
«Ónegeli otbasy» nomınatsııasy – Aıtqojınder otbasy;
«Qaıyrymdy otbasy» nomınatsııasy – Qusaıynovtar otbasy;
«Daryndy otbasy» nomınatsııasy– Erjumanovtar otbasy;
«Shyǵarmashyl otbasy» nomınatsııasy – Ptashınskııler otbasy.
«Jas otbasy» nomınatsııasy– Áýezovter otbasy;
«Berekeli otbasy» nomınatsııasy – Serikbaevtar otbasy;
«Salaýatty otbasy» nomınatsııasy – Rýzahýnovtar otbasy;
«Qaısar otbasy» nomınatsııasy – Buzaýovtar otbasy;
«Ulaǵatty otbasy» nomınatsııasy – Jaqypovtar otbasy.
«Ónegeli otbasy – eldiń tutqasy! Jarasymdy januıa men izgilikti qasıetterge toly áýlet qashan da kópke úlgi bolýy tıis. Osy maqsatta 2013 jyly Memleket basshysynyń bastamasymen «Mereıli otbasy» ulttyq konkýrsy jarııalanǵan bolatyn», – dedi elorda ákiminiń orynbasary Eset Baıken.