Astanada memlekettik qyzmetshilerdiń biliktilikterin arttyrýǵa baǵyttalǵan ekikúndik semınar bastaldy

aýsymnyń 7-si. QazAqparat /Aıdar Ospanalıev/ - Búgin Astanada «Qazaqstan Respýblıkasyndaǵy ındýstrııalyq-ınnovatsııalyq saıasaty: basymdyqtar men iske asyrý joldary» atty taqyrypta memlekettik qyzmetshilerdiń biliktiligin arttyrý semınary bastaldy,

dep habarlaıdy QazAqparat.

Elordada eki kún qatarynan ótetin shara barysynda elimizdiń mınıstrlikteri men vedomstvo ókilderi memlekettik organ qyzmetkerlerin elde júrgizilip jatqan ındýstrııalyq-ınnovatsııalyq damý sharalaryn júzege asyrý joldary men oǵan qatysty qalyptasyp otyrǵan máselelerdi sóz etpek.

Búgingi jıyn barysynda osy maqsatta sóz sóılegen Premer-Mınıstrdiń orynbasary, Indýstrııa jáne jańa tehnologııalar mınıstri Áset Isekeshov eldegi ındýstrııalyq - ınnovatsııalyq saıasattyń júzege asyrylýy men maqsat-mindetterine toqtala kele, osy baǵytta oılaǵan maqsatqa qol jetkizý úshin ár aımaqtyń ózindik ereksheligine oraı damytylýy tıis basym baǵyttardy tańdap alý qajettigin atap kórsetti. «Ol úshin aımaqta neni damytýǵa bolatyndyǵy jóninde arnaıy karta daıyndaǵan durys jáne bul jumystardyń túrli salalar boıynsha bilikti mamandardyń qatysýymen júzege asyrǵan jón. Tipti bıznes salasynyń ókilderimen de keńesip alǵannyń artyqtyǵy joq. Eger osy is talapqa saı durys uıymdastyrylatyn bolsa, elimizdiń ár oblysynan bolashaqta damytýǵa qolaıly kem degende jaqsy bir sala shyǵady», dedi Úkimet basshysynyń orynbasary.