Astanada mektep formasyn ata-analar ózderi tańdaıdy

ASTANA. QazAqparat - Qazirgi tańda dúkenderde tańdaý óte kóp. Mektep formasyn kez kelgen jerden alýǵa bolady. Eń bastysy, túsi men stıli birdeı bolýy qajet, dep habarlaıdy QazAqparat elorda ákimdiginiń resmı saıtyna silteme jasap.

Eger mektep formasyn jetkizýshi merdiger satyp alýdy májbúrlegen jaǵdaıda bilim basqarmasyna shaǵymdaný qajet.

Astanalyq vedomstvo oqýshylardyń kıim standarty qandaı bolatynyn aıtty. Mektep formasynyń úlgisi klassıkalyq stılde, túsi - qońyr-kók.

Er balalar kıetin mektep formasyna:

pıdjak, jeletke, shalbar, aq tústi saltanatty jeıde, kúndelikti aq jeıde, (qys mezgilinde: trıkotajdy jılet, aq vodolazka). Er balalarǵa arnalǵan shalbardyń tigisi keń jáne uzyndyǵy aıaqtyń tobyǵyn jaýyp turady. Eń az degende usynylǵany: jeıde, jeletke men shalbar.

Qyz balaǵa arnalǵan mektep formasyna kiretinder:

pıdjak, jeletke, beldemshe, shalbar, klassıkalyq aq kofta, sarafan (qys mezgilinde: trıkotaj jeletke, aq vodolazka). Qyzdarǵa arnalǵan shalbar keń tigilgen, al uzyndyǵy aıaqtyń tobyǵyn jaýyp turady. Beldemsheniń uzyndyǵy keńsege arnalǵan, tizeden 5 sm joǵary bolmaýy kerek.

Vedomstvo mektep formasyna dinı jáne túrli konfessııalarǵa tán úlgilerdi engizýge bolmaıtynyn aıta ketti.

Sonymen qatar, mektep formasynda orta bilim berý uıymyn erekshelep turatyn belgiler bolady (emblema, japsyrma t.b.). Olar kıimniń joǵary jaǵyna ornalasady nemese aksessýarlar (pıdjak, jeletke). Emblemanyń eskızin mektepten nemese mekteptiń saıtynan alýǵa bolady.

Mektep formasynyń talaby boıynsha synǵan fýrnıtýrasy bar aksessýar men kıimderdi alyp tastaıdy.  

Mektep formasyna tozbaıtyn, antıbakterııaǵa qarsy, antımıkrobqa qarsy, antıstatıkalyq qasıetke ıe jartylaı jún jáne maqta matasy qoldanyldy. ıAǵnı quramynda kıim myjylyp ketpesi úshin 75-85% tabıǵı matasy bar (maqta, jún jáne basqasy) jáne 15-25% sıntetıkalyq qospa qosylǵan.

«Qazir dúkenderde tańdaý óte kóp. Árıne mektep formasyn kez kelgen jerden aýlǵa bolady jáne eshkim shektemeıdi. Bastysy, túsi men stıli birdeı bolýy qajet», - delingen bilim basqarmasynyń habarlamasynda.

Mektep formasyn tek bir taýar óndirýshiden satyp alýǵa májbúrlegen jaǵdaıda dereý Bilim basqarmasyna myna telefon nomerleri boıynsha 55-68-53, 55-68-83, 55-68-73 habarlasý qajet nemese 109 nomerine.