Astanada mekenjaıdy kórsetetin taqtaıshalar túnde ózdiginen janyp turady

ASTANA. QazAqparat - Astana qalasyndaǵy 15 kóshede túnde ózdiginen jarqyrap turatyn mekenjaı taqtaıshalary ornatylyp jatyr, dep habarlaıdy QazAqparat ákimdiktiń saıtyna silteme jasap.

Turǵyn úılerdiń mekenjaıyn kórsetetin erekshe jaryq jınaǵysh taqtaıshalar fotolıýmınestsenttik qabyqshadan jasalǵan, bul túnde sáýle shyǵarý múmkindigi bar materıal túri.

 «Sáýle shyǵarý materıal quramynda lıýmınofor atalatyn qabyqshasynyń bolýyna baılanysty. Bul zattektiń quramyndaǵy bólshekter qaınar kózden energııany jyldam jınaqtap, sodan keıin elektr qýatyn paıdalanbaı túnde uzaq ýaqyt boıy jaryq bere alady», - deıdi «Baıqońyr» aýdanynyń ákimi Erlan Kanalımov.

Jańa taqtaıshalardaǵy jaryqtyń áser etý uzaqtyǵyna baılanysty sáýle taratý ýaqyty 4 saǵattan 12 saǵatqa deıin.

E. Kanalımovtyń aıtýynsha, qazirgi tańda «Baıqońyr» aýdanyndaǵy kóshelerdiń ataýy men úılerdiń rettik nómiri jazylǵan anshlagtardy ornatý júrgizilip jatyr.

J. Táshenov, A. Baraev, A. Imanov, Kenesary, J. Dosmuhameduly, Asan qaıǵy, A. ıAnýshkevıch, A. Pýshkın, A. Kravtsov, Sembınov, A. Jubanov, M. Ǵabdýllın, Sh. Ýálıhanov kósheleri men Respýblıka, Abaı dańǵyldarynda osyndaı taqtaıshalar ornatylady.

Qazirgi ýaqytta barlyǵy 360-tan astam jaryq jınaǵysh qabaty bar anshlag ornatylǵan.