Astanada Mega Silk Way ortalyǵynyń jumys kestesi ýaqytsha ózgeredi
05:32, 20 Naýryz 2017
ASTANA. QazAqparat - Elordada MEGA Silk Way saýda, oıyn-saýyq ortalyǵynyń ashylýyna oraı jumys kestesi ýaqytsha ózgeredi.
«22 naýryzda ortalyq saǵat 21:00-ge deıin jumys isteıtin bolady. Qazirgi kezde ortalyq ákimshiligi 23 naýryzda saǵat 18:00-de ótetin saltanatty ashylýǵa daıyndyq ústinde. Shara barysynda elorda turǵyndary men qonaqtarynyń nazaryna artısterdiń, akrobattardyń, kaskaderlardyń qatysýymen merekelik baǵdarlama usynylady», - dep habarlaıdy qala ákimdiginiń saıty .
Uly Jibek jolynyń saýda «kóshelerimen» ımprovızatsııalanǵan teatrlandyrylǵan sherý júrip ótedi, HASSAK etno-folklorlyq ansambl óz ónerin ortaǵa salady. Sonymen qatar, qolónershiler men sýretshilerdiń shyǵarmashylyq alańy ashylady, MEGA Silk Way ortalyǵyna kelýshiler sheberlik synyptaryna qatysa alady.
Eske salaıyq, 6 naýryzda MEGA Silk Way SOSO tehnıkalyq ashylýy ótken bolatyn.