Astanada medıtsınalyq-sanıtarlyq alǵashqy kómek jónindegi jahandyq konferentsııa bastaldy
Jahandyq konferentsııaǵa álemniń 146 elinen medıtsına salasynyń basshylary men bilikti mamandary kelip otyr. Olardyń qatarynda Dúnıejúzilik densaýlyq saqtaý uıymynyń bas dırektory Tedros Adhanom Gebreıesýs, ıÝNISEF atqarýshy dırektory Genrıetta For, DDU Eýropa óńirlik bıýrosynyń dırektory Jýjanna ıAkab qatysýda.
«Profılaktıka men aýrýlardy aldyn ala anyqtaý - densaýlyq saqtaý júıesindegi shyǵyndardy edáýir azaıtyp, medıtsınalyq uıymdardyń jumysyn jeńildetetinin bilemiz. Adamdarǵa alǵashqy kómek kórsetý, azamattardy qoldaý - Úkimet pen densaýlyq saqtaý mınıstrliginiń basymdyq berip otyrǵan baǵyttarynyń biri. Medıtsınalyq-sanıtarlyq alǵashqy kómek densaýlyq saqtaý júıesiniń jumysyn jaqsartatyn mańyzdy baǵyt retinde qaralýy tıis. Búgingi konferentsııaǵa úkimettik emes uıymdardyń, Medıtsınalyq qyzmetkerler qaýymdastyǵynyń ókilderi jınalyp otyr. Dál osy azamattar medıtsınalyq-sanıtarlyq alǵashqy kómektiń baǵdarlamasyn júzege asyratyn negizgi adamdar bolyp tabylady», - dedi Erbolat Dosaev.
Aıta ketsek, Dúnıejúzilik densaýlyq saqtaý uıymy, ıÝNISEF jáne Qazaqstan Úkimeti birlesip uıymdastyrǵan bul shara Almaty deklaratsııasynyń 40 jyldyǵyna arnalyp otyr. Oǵan DDU múshe 120 memleket ókilderi, densaýlyq saqtaý mınıstrleri, álemge tanymal sarapshylar men metsenattar shaqyrylǵan.
1978 jyly qabyldanǵan «Almaty deklaratsııasy» barsha adamzattyń densaýlyqqa qol jetkizý strategııasy retinde medıtsınalyq-sanıtarlyq alǵashqy kómekti nasıhattaıtyn tuńǵysh halyqaralyq deklaratsııa bolǵan edi. Odan keıingi densaýlyqty nyǵaıtý, jalpyǵa birdeı densaýlyq syndy qozǵalystar Almaty deklaratsııasynyń biregeı qaǵıdalary - ádilet, yntymaqtastyq, áleýmettik ádiletke negizdelgen.
Buǵan deıin QR Densaýlyq saqtaý mınıstri Eljan Birtanov jahandyq konferentsııada Almaty deklaratsııasyn tolyqtyratyn jańa Astana deklaratsııasy qabyldanatynyn jetkizgen edi.